كەشە, 6 قازان كۇنى قاراعاندىدا جەرگىلىكتى «شاحتەر» مەن شىمكەنتتىڭ «ورداباسى» كوماندالارى كەزدەسىپ, 29-تۋر ويىندارىن اياقتادى. ماتچ 3:0 ەسەبىمەن الاڭ يەلىرىنىڭ پايداسىنا شەشىلدى. بۇل تۋرالى Egemennews.kz ءتىلشىسى حابارلادى.
وسى ارقىلى قاراعاندىلىقتار 9 ويىننان بەرى جالعاسىپ كەلە جاتقان جەڭىسسىز ويىنداردىڭ تىزبەگىن ءۇزدى. كەزدەسۋ ولاردىڭ ايقىن باسىمدىلىعىمەن ءوتتى. دەگەنمەن, ماتچتىڭ 39-مينۋتىنا دەيىن قارسىلاستار ەسەپ اشا المادى. سول سەڭدى الدين دجيديچ بۇزدى. ول ماقسات بايجانوۆتىڭ ۇرعان ايىپ دوبىنا باسىن توسەپ, گول سالدى. 58-مينۋتتا كوماندانىڭ ەڭ مەرگەن شابۋىلشىسى يگور زەنكوۆيچ ەسەپتى 2:0-گە جەتكىزدى. وسى ارقىلى ول 14 دوپپەن جەكە-دارا مەرگەندەر كوشىن باستادى. ال سوڭعى نۇكتەنى 79-مينۋتتا الەكساندر گابىشەۆ قويدى.
وسى جەڭىستەن كەيىن «شاحتەر» تاعى دا الماتىنىڭ «قايراتىنا» قۋىپ جەتتى. قازىر ەكى كوماندادا دا 26 ۇپايدان بار.
دامير قوجامقۇل.
تۋرنير كەستەسى
1-6 ورىندار ءۇشىن
1 «اقتوبە» 29 19 5 5 40 - 19 39
2 «استانا» 29 16 5 8 48 - 34 33
3 «ەرتىس» 29 12 8 9 38 - 32 27
4 «شاحتەر» 29 12 7 10 41 - 35 26
5 «قايرات» 29 10 11 8 39 - 35 26
6 «ورداباسى» 29 10 6 13 28 - 34 21
7-12 ورىندار ءۇشىن
1 «توبىل» 29 13 6 10 46 - 30 32
2 «اتىراۋ» 29 8 11 10 23 - 34 22
3 «ۆوستوك» 29 6 11 12 18 - 34 18
4 «تاراز» 29 6 8 15 27 - 36 17
5 «جەتىسۋ» 29 5 15 9 21 - 32 17
6 «اقجايىق» 29 6 9 14 34 - 48 15