ۇزاققا سوزىلعان اۋىر ناۋقاستان قازاقستاندىق بەلگىلى ەكونوميست قانات بەرەنتاەۆ قايتىس بولدى. بۇل تۋرالى radiotochka.k سايتى حابارلادى.
«ۇستىمىزدەگى جىلعى 6 قازان كۇنى ۇزاققا سوزىلعان اۋىر ناۋقاستان قوعامدىق پروبلەمالاردى تالداۋ ورتالىعى ديرەكتورىنىڭ ورىنباسارى, قازاقستاننىڭ ساياسي ەكونوميكا سالاسىنداعى بەلگىلى مامانى قايتىس بولدى», - دەلىنگەن حابارلامادا.
قانات بەرەنتاەۆ 1941 جىلى تالدىقورعان قالاسىندا تۋعان. گوركي (قازىرگى تومەنگى نوۆگورود) مەملەكەتتىك ۋنيۆەرسيتەتىنىڭ مەحانيكا-ماتەماتيكا فاكۋلتەتىن بىتىرگەن. 1972 جىلدان 2000 جىلعا دەيىن كازكسر مەملەكەتتىك جوسپارلاۋ كوميتەتىنە قاراستى ەكونوميكالىق زەرتتەۋلەر ينستيتۋتىنىڭ وتپەلى كەزەڭدەر پروبلەماسى بولىمىندە ەكونوميست جانە ءبولىم مەڭگەرۋشىسى بولدى. 2000 جىلدان باستاپ قازاقستان رەسپۋبليكاسى پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ ەكونوميكالىق قاۋىپسىزدىك ءبولىمىن باسقاردى.
قازاقستان ۇكىمەتىنىڭ ەكونوميكالىق كونسۋلتانتتار كەڭەسىنىڭ مۇشەسى رەتىندە بىرقاتار ەكونوميكالىق باعدارلامالاردى جاساۋعا قاتىستى.