ماسكەۋدە اۋىر سالماقتاعى كاسىپقوي بوكسشىلار الەكساندر پوۆەتكين مەن ۆلاديمير كليچكونىڭ اراسىندا وتكەن ايقاستى كورىپ بولعاننان كەيىن يركۋتسك وبلىسىنداعى ءبىر كافەدە وتىرعان جاستار ەكى داي بولىپ قىرىلىپ توبەلەستى. بۇل تۋرالى ريا «فەدەرالپرەسس» ءتىلشىسى حابارلادى.
جانجال جەردوۆكا كەنتىندەگى كافەدە بوكس ماتچىنان ترانسلياتسيا بىتكەننەن كەيىن كوتەرىلگەن. الدەنەگە كەلىسە الماعان ەكى توپ اراسىندا سوسىن توبەلەس باستالعان. شايقاستىڭ سوڭىنا قاراي وعان قاتىسۋشىلاردىڭ ءبىرىن ەكىنشى جاقتىڭ ادامدارى كولىكتەرىنە كۇشتەپ مىنگىزىپ, الىپ كەتكەن. كەيىنىرەك جاس جىگىت ۇيىنە قايتىپ كەلگەن, ال ونىڭ اناسى سول بويدا پوليتسياعا بارىپ شاعىمدانعان.
بۇگىنگە دەيىن ۋست-وردا اۋدانىنىڭ ءتارتىپ ساقشىلارى تاڭ الدىندا ادام ۇرلاۋعا قاتىسى بولعان بەس جىگىتتى ۇستايدى. قازىرگى تاڭدا پوليتسەيلەر جاعدايدىڭ قالاي بولعانىن بۇگە-شىگەسىنە دەيىن انىقتاپ جاتىر.
قايرات قوجانازار.