تاڭعاجايىپ تالانت يەسى, ورىستىڭ كەرەمەت اكتريساسى يننا چۋريكوۆا بۇگىن, 5 قازان كۇنى 70 جاسقا تولدى. بۇل تۋرالى «يزۆەستيا» گازەتى جازدى.
كسرو حالىق ءارتىسى جانە «مىڭداعان جۇزدەردىڭ جەڭىمپازى» ءوز ومىرىندەگى وسىناۋ ۇلكەن بەلەستى ءوزىنىڭ سۇيىكتى «لەنكوم» تەاترىنىڭ ساحناسىندا اتاپ ءوتتى. ول مۇنى «اكۆيتان جولبارىسى» سپەكتاكلىندەگى اليەنورا اكۆيتانسكايانىڭ ءرولىن سومداۋمەن ورىندادى. بۇل سپەكتاكل بۇدان ءۇش جىل بۇرىن اكتريسانىڭ كۇيەۋى, بەلگىلى كينورەجيسسەر گلەب پانفيلوۆتىڭ باسشىلىعىمەن ءبىرىنشى رەت قويىلعان بولاتىن.
قويىلىمنان كەيىن مەرەيتوي يەسىن جاقىن تۋىستارى مەن ارىپتەستەرى قۇتتىقتادى.
يننا چۋريكوۆا – «وتانعا سىڭىرگەن ەڭبەگى ءۇشىن» وردەنىنىڭ 3 جانە 4 دارەجەلەرىمەن, ۇلى پەتر وردەنىنىڭ 1 دارەجەسىمەن, ستانيسلاۆسكي اتىنداعى حالىقارالىق سىيلىقپەن جانە «حرۋستال تۋراندوت» جۇلدەسىمەن ماراپاتتالعان. ول – رسفسر-ءدىڭ كينو ونەرى سالاسىنداعى جانە ادەبيەت پەن ونەر سالاسىنداعى ەكى دۇركىن مەملەكەتتىك سىيلىعىنىڭ لاۋرەاتى, «نيكا», «تريۋمف», تەفي, «التىن قىران», «كۋمير» جانە باسقا سىيلىقتاردىڭ يەگەرى.
مۇرات ايتقوجا.
سۋرەتتە: يننا چۋريكوۆا «اكۆيتان جولبارىسى» سپەكتاكلىندەگى اليەنورا اكۆيتانسكايانىڭ رولىندە.