اتىراۋ قالالىق ساۋلەت جانە قالا قۇرىلىسى ءبولىمىنىڭ قىزمەتكەرى 7 ماۋسىمدا جرۆي بەلگىسىمەن مەديتسينالىق كومەككە جۇگىنىپتى. الايدا, ودان الىنعان زەرتحانالىق سىنامالار قورىتىندىسىمەن كوروناۆيرۋس ينفەكتسياسى تابىلىپ وتىر, - دەپ حابارلايدى Egemen.kz
"الەۋمەتتىك جەلىلەردە اتىراۋ قالالىق ساۋلەت جانە قالا قۇرىلىسى ءبولىمىنىڭ كارانتينگە جابىلعانى تۋرالى تاراعان اقپارات جالعان. قازىر اتالعان ءبولىم كۇشەيتىلگەن سانيتاريالىق-دەزينفەكتسيالىق رەجيمگە ساي قاشىقتان جۇمىسىن جالعاستىرۋدا. ال, ناۋقاس جۇقپالى اۋرۋلار اۋرۋحاناسىنا جاتقىزىلىپ, بەكىتىلگەن حاتتاماعا سايكەس ەم قابىلداپ جاتىر",- دەپ حابارلادى وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى.
ناۋقاسپەن جاقىن قارىم-قاتىناستا بولعاندار انىقتالىپ, مەديتسينالىق باقىلاۋعا الىندى. سونداي-اق, اۋرۋ وشاعىندا دەزينفەكتسيالىق جۇمىستار جۇرگىزىلدى.