سىرتقى ىستەر ءمينيسترى مۇحتار تىلەۋبەردى رەسەي فەدەراتسياسىنىڭ سىرتقى ىستەر ءمينيسترى سەرگەي لاۆروۆپەن بەينەكونفەرەنتسيا رەجىمىندە كەلىسسوزدەر جۇرگىزدى, دەپ حابارلادى سىرتقى ىستەر مينيسترلىگىنىڭ ءباسپاسوز قىزمەتى.
سىرتقى ساياسي ۆەدومستۆولاردىڭ باسشىلارى ساياسي, ەكونوميكالىق سالالارداعى, سونىڭ ىشىندە ترانزيتتىك كولىك, ەنەرگەتيكالىق جانە اسكەري-تەحنيكالىق باعىتتارداعى قازاقستان – رەسەي اراسىنداعى جان-جاقتى ستراتەگيالىق ارىپتەستىكتىڭ اعىمداعى جاعدايى مەن دامۋ پەرسپەكتيۆالارىن تالقىلادى. سونداي-اق تاراپتار تمد, ەاەو, ۇقشۇ, شىۇ, بۇۇ اياسىنداعى كووپەراتسيا ماسەلەلەرىن قاراستىردى.
قازاقستان پرەزيدەنتى قاسىم-جومارت توقاەۆتىڭ ۇلى وتان سوعىسىنداعى جەڭىستىڭ 75 جىلدىعىنا ارنالعان سالتاناتتى ءىس-شارالارعا قاتىسۋ ءۇشىن ماسكەۋگە الداعى ساپارىن دايىنداۋ ماسەلەلەرى تالقىلاندى.
سونىمەن قاتار, م.تىلەۋبەردى مەن س.لاۆروۆ اعىمداعى جىلدىڭ قاراشا ايىندا كوكشەتاۋدا وتەتىن قازاقستان مەن رەسەي XVII وڭىرارالىق ىنتىماقتاستىق فورۋمىنا دايىندىق ماسەلەلەرىن قاراستىردى.