بۇگىن ەلوردادا "اۋىل" پارتياسى مەن "مادەنيەت پورتالىنىڭ" ۇيىمداستىرۋىمەن وتكەن "اۋىلىم – التىن تۇعىرىم" اتتى ادەبي بايقاۋدىڭ جەڭىمپازدارى ماراپاتتالدى.
بيىل ادەبي كونكۋرستىڭ "التىن تۇعىر" باس جۇلدەسىن "دراماتۋرگيا" نوميناتسياسى بويىنشا جازۋشى-دراماتۋرگ توكەن الجانتەگى جەڭىپ الدى. اتالىمنىڭ ەكىنشى ورنى - الىبەك بايبولوۆقا, ءۇشىنشى ورىن - ءادىلحان اسانوۆقا بۇيىردى. سونداي-اق باققوجا مۇقاي اتىنداعى ارنايى جۇلدەمەن - ديدار امانتاي, قاليحان ىسقاق اتىنداعى ارنايى جۇلدەمەن - سوۆەتحان قازيەۆ, ساكەن ءجۇنىسوۆ اتىنداعى ارنايى جۇلدەمەن - وتەن احمەت ماراپاتتالدى.
"پوەزيا" اتالىمى بويىنشا 1-ورىنعا راۋان قابيدولدين, 2-ورىنعا جادىرا بايبۇلانوۆا, 3-ورىنعا الىبەك شەگەباي لايىق دەپ تانىلدى.
سونىمەن قاتار كەڭشىلىك مىرزابەكوۆ اتىنداعى ارنايى جۇلدەمەن - جۇلدىز ىلەباەۆا, نۇرلان ماۋكەن ۇلى اتىنداعى ارنايى جۇلدەمەن - دانا يساعۇلقىزى, سەرىك قاپشىقباي ۇلى اتىنداعى ارنايى جۇلدەمەن - اربيبەك داۋلي, قانىبەك سارىباەۆ اتىنداعى ارنايى جۇلدەمەن - اسىلبەك جاڭبىرباي, "اۋىل" پارتياسىنىڭ ارنايى جۇلدەسىمەن - جانات بوقاش ۇلى ماراپاتتالدى.
"پروزا" اتالىمى بويىنشا ءبىرىنشى ورىندى رەتبەك ماعاز, ەكىنشى ورىندى جادىرا شامۇراتوۆا, ءۇشىنشى ورىندى اباي ايماعانبەتوۆ يەلەندى.
بۇل اتالىمدا ءابىش كەكىلباەۆ اتىنداعى ارنايى جۇلدە - ءاليحان جاقسىلىق, اقان نۇرمانوۆ اتىنداعى ارنايى جۇلدە - اباي وراز, راقىمجان وتارباەۆ اتىنداعى ارنايى جۇلدە - اسىلان قۋانىش ۇلى, "اۋىل" پارتياسىنىڭ ارنايى جۇلدەسى - ءرۇستام گاسىموۆقا بۇيىردى.