قوستانايدا تسيفرلاندىرۋ باعدارلاماسى شەڭبەرىندە "اقىلدى" جارىقتاندىرۋ جوباسى جۇزەگە اسىرىلىپ جاتىر. قالا كوشەلەرىن جارىقتاندىرۋدى جاڭا تەحنولوگيا ارقىلى باسقارۋعا كوشىرۋگە بيۋدجەتتەن 513 ملن تەڭگە كولەمىندە قارجى بولىنگەن, - دەپ حابارلايدى Egemen.kz.
اتالعان جۇيە ەلەكتر قۋاتىنىڭ قوسىلۋى مەن ءسونۋ ۋاقىتىن اۆتوماتتى رەجىمدە رەتتەۋگە, قاشىقتان ەلەكتر ەسەپتەگىش كورسەتكىشتەرىن الۋعا, سانكتسيالانباعان قوسۋ جاعدايلارىن باقىلاۋعا جانە جەلىدە اقاۋ پايدا بولعاندا جەدەل ارەكەت ەتۋگە مۇمكىندىك بەرەدى.
تاعى ءبىر جاعىمدى جاڭالىق – قوستانايداعى دەمالىس ساياباقتارىندا تەگىن Wi-Fi پايدا بولادى. اتاپ ايتقاندا تاياۋ كۇندەرى قالا تۇرعىندارى ورتالىق ساياباقتا, جاستار بۋلۆارىندا, گاشەك كوشەسى بويىنداعى توبىل جاعالاۋىندا, سونداي-اق جەڭىس ساياباعىندا اقىسىز ينتەرنەتكە كىرۋ مۇمكىندىگىنە يە بولادى. ايماق باسشىسى بۇل تىزىمگە جاڭا سالىنىپ جاتقان ترياتلون ساياباعىن دا قوسۋدى تاپسىردى.
سونىمەن قاتار گاشەك كوشەسىندەگى توبىل جاعالاۋى مەن جەڭىس ساياباعىنا بەينەباقىلاۋ قۇرىلعىلارى ورناتىلادى. بۇعان 100 ملن تەڭگە قاراستىرىلىپ وتىر.
قوستاناي وبلىسى