وبلىستىڭ باس مەملەكەتتىك سانيتارلىق دارىگەرى زامزاگۇل دوسجانوۆانىڭ مالىمەتىنشە, 1-ءشى ماۋسىمنان باستاپ, وڭىردە كارانتين شارالارى جەڭىلدەتىلدى, - دەپ حابارلايدى Egemen.kz.
قازىر تەمىرجول ۆوكزالدارى, اۆتوۆوكزالدار, اۆتوستانتسيالار قىزمەتىنە كىرىستى. قوعامدىق كولىكتەر, تراۆمايلار دا ءوز باعىتتارىنا كوشەلەرگە شىقتى. ال وبلىس اۋماعىنداعى بلوك-پوستتار الىندى. رەسەي شەكاراسىنىڭ اۋماعىنا قويىلعان 5 اۆتوبەكەت ءالى جابىق.
سونداي-اق ءتۇرلى سالوندار, اتەلەلەر اشىق, ازىق-ت ۇلىك بازارلارى, شاعىن ماركەتتەر مەن دۇكەندەر دە قالىپتى جاعدايدا قىزمەت كورسەتۋدە. بىراق كينوتەاترلار, جاتتىعۋ زالدارى, ساۋنا, مونشا, باسسەيندەر ءالى اشىلعان جوق. قوعامدىق ورىندارداعى تاماقتانۋ ورىندارى ءبىر ۋاقىتتا تەك 30 ادامدى عانا قابىلداي الادى.
باس سانيتارلىق دارىگەردىڭ ايتۋىنشا, ەگەر ءبىر اپتانىڭ ىشىندە وڭىردە كوروناۆيرۋستى جۇقتىرۋ دەڭگەيى 5 پايىزعا تومەندەسە, جابىق تۇرعان مەكەمەلەر اشىلادى. وتكەن اپتادا وبلىستاعى COVID-19-دى جۇقتىرۋ دەڭگەيى 9,2 پايىزدى كورسەتتى. قاۋلىداعى جاڭا ەرەجەگە سايكەس تۇرعىندارعا مەديتسينالىق بەتپەردەنى شەشۋگە رۇقسات جوق.
پاۆلودار وبلىسى