تۇركىستان وبلىسىندا كارانتين ۇزارتىلدى

وڭىردە كوروناۆيرۋستىق ينفەكتسيانىڭ راستالعان 400-دەن استام جاعدايى تىركەلگەن. جازىلعاندار سانى - 257. ينفەكتسيانىڭ جۇقتىرۋ كوزدەرى بويىنشا 84 ناۋقاس سىرتتان اكەلگەن (نۇر-سۇلتان-1, اقتاۋدان-1, اتىراۋدان-31, الماتىدان-2, شىمكەنتتەن-2, قىزىلوردا-1, پاۆلوداردان-1 جانە رەسەيدەن-5, تۋركيادان-1, وزبەكستان-37, جەزقازعان-2). بۇل دەرەكتەردى وڭىرلىك كوممۋنيكاتسيالار قىزمەتىندە وتكەن بريفينگ كەزىندە كەلتىرگەن تۇركىستان وبلىسى اكىمىنىڭ ورىنباسارى ساكەن قالقامانوۆ تۇرعىنداردى كارانتيندىك شارالارعا تۇسىنىستىكپەن قاراپ, بارلىق تالاپتاردى ساقتاۋعا شاقىردى.

سونداي-اق, بريفينگتە ءسوز العان ءوڭىردىڭ باس سانيتار-دارىگەرى نۇربەك نىشانوۆ كارانتين رەجيمىندەگى بىرقاتار شارالاردى اتاپ ءوتتى.

"قوعامدىق ورىنداردا ادامدار اراسىنداعى ارا قاشىقتىق 2 مەتردەن كەم بولماۋى ءتيىس. ماسكالىق رەجيمدى ساقتاي وتىرىپ ساياباقتاردا, الاڭدار مەن سكۆەرلەردە, جاعالاۋلاردا ازاماتتاردىڭ سەرۋەندەۋىنە رۇقسات ەتىلەدى. وتباسىلىق ءىس-شارالاردى وتكىزۋگە جانە مۇنداي جەرلەردە توپتالىپ جينالۋعا تىيىم سالىنادى. ال, جەرلەۋ ءىس-شارالارىن جۇرگىزۋ كەزىندە كەمىندە 2 مەتر قاشىقتىقتى ساقتاي وتىرىپ, 20 ادامعا دەيىن جينالۋىنا رۇقسات ەتىلەدى", – دەدى ن.نىشانوۆ.

سونداي-اق ويىن-ساۋىق, سپورتتىق جانە باسقا دا بۇقارالىق ءىس-شارالاردى وتكىزۋگە, ساۋدا, ويىن-ساۋىق ورتالىقتارى جانىنداعى بالالاردىڭ ويىن الاڭدارى, كينوتەاترلاردىڭ, تەاترلاردىڭ, كورمەلەردىڭ, تۇنگى كلۋبتاردىڭ جانە مال بازارلارىنىڭ قىزمەتىنە تىيىم سالىندى. بۇدان بولەك, ن.نىشانوۆ كارانتين كەزىندە ساقتىق شارالارىن ساقتاي وتىرىپ, جۇمىس ىستەيتىن مەكەمەلەردى اتاپ كورسەتتى.

سانيتارلىق-ەپيدەميولوگيالىق جانە كۇشەيتىلگەن دەزينفەكتسيالىق رەجيمدى ساقتاي وتىرىپ, مەكتەپكە دەيىنگى ۇيىمدارداعى كەزەكشى توپتاردىڭ, بالالار ۇيلەرىنىڭ تاربيەلەنۋشىلەرىنىڭ جازعى دەمالىسى ءۇشىن تۇلكىباس اۋدانىنداعى "سامال" جانە تەك قانا ماقتاارال اۋدانىنداعى سۋ تاسقىنى كەزىندە زارداپ شەككەن بالالار ءۇشىن سارىاعاش اۋدانىنداعى "بالداۋرەن" ساۋىقتىرۋ لاگەرلەرىنىڭ جۇمىسىنا رۇقسات ەتىلەتىنىن حابارلادى.

تۇركىستان وبلىسى