ەستەن تاندىرار ەسىرتكىنى ساتىپ, كول-كوسىر پايداعا كەنەلمەك بولعان جەرگىلىكتى تۇرعىن قۇقىق قورعاۋ ورگاندارىنىڭ قۇرىعىنا ءىلىندى. وبلىستىق پوليتسيا دەپارتامەنتى ەكسترەميزمگە قارسى كۇرەس باسقارماسىنىڭ قىزمەتكەرلەرى ۇقك دەپارتامەنتىمەن بىرگە وتكىزگەن جەدەل-ىزدەستىرۋ وپەراتسياسى كەزىندە سينتەتيكالىق ەسىرتكىنى وتكىزبەك بولعان 32 جاستاعى ازامات ۇستالىپ قالدى.
– كۇدىكتىنى تەكسەرۋ كەزىندە ونىڭ تەرىس ءدىني اعىمنىڭ وكىلى ەكەنى انىقتالدى. ودان سينتەتيكالىق ەسىرتكى زاتتارى, تىيىم سالىنعان ءدىني ادەبيەتتەر, قولدان جاسالاتىن جارىلعىش زاتتاردى دايىنداۋعا قاجەتتى كومپونەنتتەر تاركىلەندى, -دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
قازىر كۇدىكتىگە قاتىستى قر قىلمىستىق كودەكستىڭ 297-بابى جانە 256, 174-باپتارىمەن سوتقا دەيىنگى تەرگەپ-تەكسەرۋ باستالدى. تەرىس ءدىني اعىمنىڭ وكىلى قاماۋعا الىندى.