تايلاندتا 17 قىركۇيەكتە باستالعان سۋ تاسقىنىنان قازا بولعاندار سانى بۇگىن 30-عا جەتىپ وتىر. بۇل تۋرالى يتار-تاسس حابارلادى.
سينوپتيكتەر مۇندا جاقىن ارادا جاڭبىردىڭ كۇشەيە تۇسەتىنىن مالىمدەدى.
تابيعي اپات سالدارىنان ەلدىڭ 33 پروۆينتسياسىنداعى 15 مىڭ عيماراتتى سۋ باسىپ قالعان. سونداي-اق تايلاندتىڭ ءىرى چاوپرايا مەن تحاچين وزەندەرىندەگى سۋ ارناسىنان تاسىعان. اسا قيىن جاعداي ەلدىڭ سولتۇستىك-شىعىس بولىگىندە بايقالۋدا. جالپى تايلاندتا سۋ تاسقىنىنان شامامەن 3 ملن. ادام زارداپ شەگىپ وتىر.
ايدار ورىسباەۆ.