ۋكراينانىڭ استاناسى كيەۆ قالاسىندا سەگىز جاسار مەكتەپ وقۋشىسى يۆان وسترۋشكوعا اسكەري كوميسسارياتتان اسكەرگە شاقىرۋ قاعازى كەلگەن. بۇل تۋرالى «سەگودنيا» گازەتى حابارلادى.
گازەت ءتىلشىسىنىڭ انىقتاعانىنداي, قاتەلىك تۇرعىن ءۇي شارۋاشىلىعى باسشىلىعىنىڭ دەرەگىنەن كەتكەن. ولار ءۇشىنشى سىنىپتىڭ وقۋشىسىن ءجاسوسپىرىم جىگىت رەتىندە كورسەتىپ جىبەرگەن.
بالانىڭ اتا-انالارى بۇل وقيعانى ازىلمەن قابىل الىپتى. ولار ۇلدارىنا اسكەرگە شىنداپ بارۋعا كەڭەس بەرگەن. سوسىن گولوسەۆ اۋداندىق اسكەري كوميسسارياتىنىڭ باستىعىنا جولىعىپ, جاعدايدى تۇسىندىرگەن.
شاماسى, قاتەلىك پاسپورتشىلاردان كەتكەن سياقتى. سويتسە, مۇنداي جاعداي بۇرىن دا ورىن العان ەكەن. ۆانياعا التى جاسىندا دا وسىنداي شاقىرۋ كەلىپتى.
سۇلتان بوزايعىر.