«ال-كايدا» ۇيىمىنىڭ مۇشەسى اقش-قا تاپسىرىلدى

بەلگيا بيلىگى «ال-كايدا» ۇيىمىنىڭ بەلسەندى مۇشەسى نازير ترابەلسيدى امەريكاعا تاپسىردى. بۇل تۋرالى يتار-تاسس حابارالادى.

اقش ادىلەت مينيسترلىگىنىڭ مالىمەتىنە قاراعاندا, بەلگيا تۇرمەسىندە 10 جىل قاماۋدا بولعان نازير ترابەلسي ەندى امەريكا سوتىنا جاۋاپ بەرەدى.

43 جاسار بۇل ازامات امەريكا اسكەريلەرىنە قاستاندىق جاساۋعا ارەكەتتەنگەنى جانە تەرروريستىك توپتى قولداعانى ءۇشىن ءومىر بويىنا تۇرمەگە قامالۋى مۇمكىن. ارنايى قىزمەت وكىلدەرىنىڭ اقپارىنا جۇگىنسەك, نازير ترابەلسي 2001 جىلى اۋعانستاننىڭ قانداعار قالاسىندا «ال-كايدا» باسشىسى ۋساما بەن لادەنمەن كەزدەسىپ, ودان اقش اسكەري اۋە كۇشتەرى بازاسىنا جاسالۋعا نەگىزدەلگەن تەراكتىنىڭ باعىت-باعدارى جونىندە اقپارات الادى.

امەريكانىڭ باق وكىلدەرى مالىمدەگەندەي, نازير ترابەلسي «ال-كايدا» ۇيىمىنا كىرمەس بۇرىن كاسىپقوي فۋتبولشى بولىپ, گەرمانيا بۋندەسليگاسىنىڭ «فورتۋنا» فۋتبول كلۋبىندا ونەر كورسەتكەن ەكەن.

ايدار ورىسباەۆ.