اتاعى الىسقا جايىلعان اقش-تىڭ كاسىپقوي بوكسشىسى دجوردج فورمان وسى سپورت ءتۇرىن تاريحىنداعى اسا اۋىر سالماقتا جۇدىرىقتاسقان ەڭ ۇزدىك بىلعارى قولعاپ شەبەرلەرىنىڭ ەسىمدەرىن اتادى.
ايتۋلى ازاماتتىڭ پىكىرىنشە «توپ-10» بوكسشىنىڭ قاتارىنا ەنۋگە مىنا ساڭلاقتار لايىق:
1. دجو لۋيس 2. روككي مارچيانو 3. دجون لوۋرەنس سالليۆان 4. دجەك دجونسون 5. مۋحاممەد الي 6. فلويد پاتتەرسون 7. لەننوكس ليۋيس 8. مايك تايسون 9. ەۆاندەر حوليفيلد 10. دجەك دەمپسي
دجوردج فورماننىڭ جايىندا ايتار بولساق, ول 1949 جىلدىڭ 10 قاڭتارىندا اقش-تىڭ تەحاس شتاتىندا تۋىپ-ءوستى. العاشىندا اۋەسقويلار اراسىندا جۇدىرىقتاسىپ, 1968 جىلى مەحيكو وليمپياداسىنىڭ جەڭىمپازى اتاندى. 1969-1997 جىلدار ارالىعىندا كاسىپقوي رينگتى شايقادى. سول ارالىقتا 81 كەزدەسۋ وتكىزىپ, 76 رەت جەڭىسكە جەتتى. 68 باسەكەنى نوكاۋتپەن اياقتادى.
كەزىندە فورمان مۇاممەد ءالي, دجو فرەيزەر, ەۆاندەر حوليفيلد, مايل مۋرەر جانە تاعى باسقا داڭقتى بوكسشىلارمەن جۇدىرىقتاستى. 1997 جىلدىڭ 22 قاراشاسىندا شەننون بريگگستەن ۇپاي سانىمەن ۇتىلعاننان كەيىن ول بىلعارى قولعابىن شەگەگە ءىلدى. ول كەزدە دجوردج 48 جاستان اسقان ەدى...