بۇرناعى كۇنى تۇندە قۇرلىقتىق حوككەي ليگاسىنىڭ كەزەكتى تۋرى ويىنىن ماسكەۋدە جەرگىلىكتى «سپارتاكپەن» وتكىزگەن استانانىڭ «بارىسى» 4:3 (2:1, 0:0, 2:2) ەسەبىمەن جەڭىسكە جەتتى.
بۇرناعى كۇنى تۇندە قۇرلىقتىق حوككەي ليگاسىنىڭ كەزەكتى تۋرى ويىنىن ماسكەۋدە جەرگىلىكتى «سپارتاكپەن» وتكىزگەن استانانىڭ «بارىسى» 4:3 (2:1, 0:0, 2:2) ەسەبىمەن جەڭىسكە جەتتى.
ءبىزدىڭ جەرلەستەرىمىز «سوكولنيكيدە» وتكەن ماتچتىڭ 3-مينۋتىندا ەسەپ اشتى. ونى رومان ستارچەنكودان شايبا العان دجوش گرەتتون سالدى. ماسكەۋلىكتەر الەكساندر نيكۋليننىڭ كۇش سالۋىمەن ەسەپتى 10-مينۋتتا تەڭەستىردى. الايدا, استانالىقتار بۇعان كونە قويمادى. ولار ۇزىلىسكە دەيىن فورۆارد كونستانتين رۋدەنكونىڭ مەرگەندىگى ارقىلى تاعى العا شىقتى.
نەگىزىنەن «بارىس» ءبىرىنشى كەزەڭدەگى وسى ءبىر شايبانىڭ ارتىقشىلىعى ارقاسىندا تۇپكى جەڭىسكە جەتتى. سەبەبى, كەلەسى ەكى كەزەڭدە قارسىلاستار ءبىر-بىرىنەن اسا المادى. ەكىنشى كەزەڭدە ەكى جاقتىڭ دا ەسەبىنە گول جازىلعان جوق. ال ءۇشىنشى كەزەڭدە سوققان شايبالارى تەڭ بولدى. اۋەلى قازاقستاندىق ميحايل راحمانوۆ ەسەپتى ۇلعايتتى (3:1). سوسىن مايك لاندين «بارىس» ساپىنداعى ءوزىنىڭ ءبىرىنشى شايباسىن ءتۇسىردى (4:1). كەزدەسۋدىڭ سوڭىنا قاراي ماسكەۋلىكتەر ەكى شايبانى قىسقارتۋعا قول جەتكىزدى. بۇلاردى ۆياچەسلاۆ كوزلوۆ پەن روستيسلاۆ شپيركو ءوز ەسەپتەرىنە جازدى.
وسى جەڭىستەن كەيىن «بارىس» ءوزىنىڭ تاريحىندا ءبىرىنشى رەت قحل بويىنشا توپ باستادى. وندا قازىر 11 ويىننان 27 ۇپاي بار. سانكت-پەتەربۋرگتىڭ سكا-سى دا وسىنشا ۇپاي جينادى. بىراق ونىڭ ىشكى كورسەتكىشتەرى استانالىقتاردان تومەن. تاعى ءبىر ايتا كەتەتىن جايت, «بارىس» وسىمەن قاتارىنان 86-شى ماتچتى گولمەن اياقتاپ وتىر.
«بارىس» كەلەسى تۋردىڭ ويىنىن 8 قازان كۇنى ءوز الاڭىندا پودولسكىنىڭ «ۆيتياز» كومانداسىمەن وتكىزەدى. ماتچ استانا ۋاقىتىمەن 19:00 ساعاتتا باستالادى.
دامير قوجامقۇل.