ەلىمىزدە وتباسىنىڭ, اتا-اناسىنىڭ مەيىرىم-شۋاعىن كورمەي ەسەيىپ جاتقان بالالار قانشاما. الەۋمەتتىك قورعاۋ جۇيەسىندە تاربيەلەنىپ جاتقان بۇلدىرشىندەردىڭ ءار كەز ايالى الاقانعا, ەرەكشە مەيىرىمگە ءزارۋ ەكەنى كوڭىلگە قاياۋ تۇسىرەدى. دەگەنمەن, قوعام مەيرىمىنە مۇقتاج بالالارعا سىيلىقتار ۇلەستىرىپ, ولاردىڭ ءبىر ساتكە بولسا دا كوڭىلىن اۋلاعىسى كەلەتىن جانداردىڭ كوپ بولعانى كوڭىلگە دەمەۋ.
وسى ورايدا بالالارعا سىيلىقتار ۇلەستىرۋدى جىل سايىن داستۇرگە اينالدىرعان «ورلەۋ» باۇو» اق فيليالى الماتى قالاسى بويىنشا پق باي ۇجىمى «نۇر وتان» پارتياسىنىڭ «بىلىكتى ۇستاز» باستاۋىش پارتيا ۇيىمىنىڭ قولداۋىمەن بيىلعى جىلى دا بالالار ۇيىندەگى بالالارعا بازارلىق تارقاتىپ قايتتى.
بيىلعى جىلى دا وسىناۋ ءداستۇرلى ءىس-شارانى جالعاستىرىپ ينستيتۋت ديرەكتورى ر. سادۆاكاسوۆا, «نۇر وتان» پارتياسىنىڭ «بىلىكتى ۇستاز» باستاۋىش پارتيا ۇيىمىنىڭ حاتشىسى ن.ا.قارابالاەۆا, ينستيتۋت قىزمەتكەرلەرى: ج.ە.ۋلتانباەۆ, پ.ءو.اسىلبەك الاتاۋ اۋداندىق جاسوسپىرىمدەرگە ۋاقىتشا قارايتىن مەكەمەنىڭ تاربيەلەنۋشىلەرىنە سىيلىق اكەلدى. ينستيتۋت ديرەكتورى سىيلىق الىپ, قۋانىشتان جۇزدەرى بال-بۇل جانعان جەتكىنشەكتەردىڭ كەلەشەكتە تاۋەلسىز ەلىمىزدىڭ تاربيەلى, سانالى, ساۋاتتى ۇلانى بولىپ قالىپتاسۋىنا دەگەن ىزگى تىلەگىن ايتتى.
مەكەمە ديرەكتورى بەركىمباەۆا بيبىگۇل جانە جاسوسپىرىمدەر پسيحولوگى ق ۇلىمبەتوۆا نۇرگۇل ەرتە جاستان اتا-انا مەيىرىمىنەن شەت قالىپ, بالالار ۇيىندە, ارنايى مەكەمەلەردە تاربيەلەنەتىن قامكوڭىل بالالارعا قولداۋ كورسەتكەن ورلەۋلىكتەردىڭ قايرىمدىلىق شاراسىنا ريزاشىلىقتارىن ءبىلدىردى.