قازاقستان رەسپۋبليكاسى مادەنيەت جانە سپورت مينيسترلىگىنىڭ قولداۋىمەن قازاقستان رەسپۋبليكاسىنىڭ ۇلتتىق اكادەميالىق كىتاپحاناسى مەملەكەتتىك رامىزدەرىنىڭ ءبىرى ەلتاڭبانىڭ اۆتورى, ساۋلەتشى جانداربەك مالىبەكوۆپەن «مەملەكەتتىك ەلتاڭبا جانە ۇلتتىق ارحيتەكتۋرا حاقىندا» اتتى ونلاين كەزدەسۋ وتكىزدى.
قازاقستان رامىزدەرى قادىرلى دە, قاسيەتتى ۇعىم. 1991 جىلى تاۋەلسىزدىك العاننان كەيىن, 1992 جىلى 4 ماۋسىم كۇنى ەلباسىنىڭ تاپسىرماسىمەن ءبىزدىڭ تۋىمىز, ەلتاڭبامىز, ءانۇرانىمىز قابىلداندى. بۇل كۇندى ءبىزدىڭ اتا-بابالارىمىز, الاش ارىستارى دا اڭساعان.
ياعني, تۇلپاردى دا وسىعان بايلانىستىردى. «ەر قاناتى-ات» دەمەكشى, تۇلپارسىز بۇل قالىپتاسپاس ەدى. ول دا ءبىزدىڭ تاريح, مادەنيەت. ەلتاڭبانىڭ ىشىنە كوپتەگەن تاريحي, ماڭىزدى نارسەلەر كىرگەن. سونداي-اق وعان وزگەرتۋلەر دە ەنگىزىلگەن. 2019 جىلى «قازاقستان» ءسوزى لاتىن الىپبيىنە الماستىرىلعان. بۇل نۇسقا زاڭمەن بەكىتىلگەن. جانە دە ەلتاڭبادا 40 تان استام ەلەمەنت دەتال بار. وسىعان بايلانىستى قازاق, ورىس, اعىلشىن تىلىندە كىتاپ شىعارىلعان. ۇلى دالانىڭ مادەنيەتىنە كوڭىل ءبولۋ قاجەت. تاۋەلسىزدىگىمىزدىڭ تىرەگى بولۋ ءۇشىن جاقسى وقىپ, جاقسى تاربيە الىپ, رامىزدەردى سىيلاۋىمىز, ناسيحاتتاۋىمىز كەرەك.
جانداربەك مالىبەكوۆ ەلتاڭباداعى ەلەمەنتتەردىڭ جاسالۋى جونىندە بىلاي دەيدى:
وعان زەرتتەۋ جاساي كەلە, قازاق حالقى ەرەككيىز ۇيمەن, تۇلپارمەن, قوشقار مۇيىزبەن, قولتاڭبالى ونەرمەن ولشەنگەندىگىنە نازار اۋداردىم. بۇل ۇلكەن ەڭبەكپەن كەلگەن جۇمىس.
ال ارحيتەكتور بولۋعا نە سەبەپ بولعاندىعىنا دا ءوز ويىن ءبىلدىردى.
- ارحيتەكتور بولۋ ءۇشىن مەن ءوزىمنىڭ يكەمىم بار ەكەنىن سەزدىم. سۋرەتتى كۇنى-ءتۇنى سالىپ, سول ەڭبەكتىڭ ارقاسىندا كەلدىم دەپ ويلايمىن. وقۋعا تۇسكەننەن كەيىن, بۇل سالاعا قىزىعۋشىلىعىم ودان سايىن ارتا ءتۇستى, جاقسى كورىپ كەتتىم. ءبىر جاعىنان ويلاۋ قابىلەتىم, ەكىنشى جاعىنان سالىستىرا بىلەسىز. كوپتەگەن حالىقارالىق كونكۋرستارعا قاتىستىم. سەبەبى ءاربىر كونكۋرس شىڭداي تۇسەدى, سولاي ارحيتەكتور بولىپ قالىپتاستىم دەپ ويلايمىن. 3 جىلدان بەرى كيىز ءۇي جايلى عىلىمي جۇمىستار جاساپ جاتىرمىن. زەرتتەۋلەر ناتيجەسىندە ىسكە اسۋدا. ماقساتىم ءاربىر قازاقتىڭ ۇيىندە ءبىر-ءبىر كيىز ۋي بولۋ كەرەك. نەگە دەسەڭىز, ول كيىز ءۇي ءبىز ايتىپ وتىرعان جاس كەزدەن تاربيەلەيتىن ورتالىققا اينالىپ وتىر. سونىڭ ىشىندە اقساقال, اجە وتىرۋى كەرەك. ول حالقىمىزدىڭ ماقتانىشى بولىپ قانا قويماي ءارى دۇنيەجۇزى قازاق حالقىن ۇلگى تۇتۋ كەرەك. كيىز ءۇي وتە كۇردەلى قۇرىلىس, دەگەنمەن ءبىز ونى جاساپ قۇرۋىمىز كەرەك. كوك بايراعىمىز جەلبىرەي بەرسىن, ەلتاڭبامىزدىڭ جۇلدىزى جانا بەرسىن, ءانۇران ءار كەزدە اسقاقتاي بەرسىن, - دەدى ول.