وڭتۇستىك امەريكا بويىنشا جالعاسىپ جاتقان تۋرنەسى شەڭبەرىندە قازاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆ بۋەنوس-ايرەس قالاسىندا بولدى. بۇل قازاقستان سىرتقى ساياسات ۆەدومستۆوسى باسشىسىنىڭ ارگەنتيناعا العاشقى رەسمي ساپارى بولىپ تابىلادى دەپ حابارلادى ەلىمىز سىرتقى ىستەر مينيسترلىگىنىڭ ءباسپاسوز قىزمەتى.
وڭتۇستىك امەريكا بويىنشا جالعاسىپ جاتقان تۋرنەسى شەڭبەرىندە قازاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆ بۋەنوس-ايرەس قالاسىندا بولدى. بۇل قازاقستان سىرتقى ساياسات ۆەدومستۆوسى باسشىسىنىڭ ارگەنتيناعا العاشقى رەسمي ساپارى بولىپ تابىلادى دەپ حابارلادى ەلىمىز سىرتقى ىستەر مينيسترلىگىنىڭ ءباسپاسوز قىزمەتى.
قازاقستان تاراپىنىڭ ارگەنتيناعا دەگەن قىزىعۋشىلىعى كەزدەيسوق ەمەس. ارگەنتينا ايماقتاعى ءىرى ەكونوميكانىڭ ءبىرى جانە برازيليامەن قاتار G-20 توبىنا كىرەدى. ەلدە الدىڭعى قاتارلى تەحنولوگيالارمەن ءتۇرلى سالالاردى قامتاماسىز ەتەتىن قولدانبالى عىلىم بەلسەندى دامۋدا: اتوم ونەركاسىبى مەن عارىشتان باستاپ, ەنەرگەتيكا جانە اۋىل شارۋاشىلىعى سالالارى جاقسى تابىستارىمەن تانىلىپ وتىر.
وسى ماسەلەلەردىڭ بارلىعى ە.ىدىرىسوۆتىڭ ارگەنتينانىڭ ىسكەر توپتارىمەن كەزدەسۋىنىڭ باستى تاقىرىبىنا اينالدى. جالپى, بۇل كەزدەسۋ مينيستر ساپارىنىڭ باعدارلاماسىن اشقان ەدى. تابيعي گازدى قايتا وڭدەۋ ءجونىندەگى تەحنولوگيالارمەن الماسۋ مۇمكىندىگى, سونىمەن قاتار, باسقا دا مۇناي-گاز سالاسىنداعى ىنتىماقتاستىق ماسەلەلەرى ارگەنتينانىڭ YPF ۇلتتىق كومپانياسىنىڭ باسشىلىعىمەن كەزدەسۋ اياسىندا تالقىعا سالىندى. ۇلتتىق سالانىڭ مۇددەسىن كوزدەيتىن ارگەنتينا مۇناي كەڭەسىنىڭ وكىلدەرى ءوز كەزەكتەرىندە قازاقستانمەن جاھاندىق دەڭگەيدە ىنتىماقتاسۋعا قىزىعۋشىلىق تانىتتى.
ارگەنتينا ەت ءوندىرۋ اسسوتسياتسياسىنىڭ وكىلدەرىمەن وتكەن كەزدەسۋ ەكىجاقتى ىنتىماقتاستىقتىڭ ايتارلىقتاي الەۋەتىن ايقىندادى. ارگەنتينا سيىر ەتىن ءوندىرۋ بويىنشا الەمدە كوشباسشىلار قاتارىندا جانە ولاردىڭ اۋىل شارۋاشىلىعىن زەرتتەۋ ۇيىمدارى وسى سالاداعى وزدەرىنىڭ جاڭا عىلىمي زەرتتەۋلەرىمەن قازاقستاندىق ءارىپتەستەرىمەن ءبولىسۋگە دايىن.
ەكىجاقتى قارىم-قاتىناستىڭ بارلىق قىرلارى, سونداي-اق, جاھاندىق ماسەلەلەر ە.ىدىرىسوۆتىڭ ارگەنتينالىق ءارىپتەسى حەكتور تيمەرمانمەن كەزدەسۋى بارىسىندا جان-جاقتى ءسوز بولدى. تاراپتار دامۋ باسىمدىقتارىنىڭ ۇقساستىعىن, حالىقارالىق سيپاتتاعى ءماسەلەلەر بويىنشا كوزقاراستار مەن ۇستانىمداردىڭ جاقىندىعىن اتاپ ءوتتى. سونىمەن قاتار, مينيسترلەر ساياسي كەڭەستەردى ىسكە قوسۋ مەحانيزمى تۋرالى جانە رەسمي دەلەگاتسيالاردى ۆيزالىق تالاپتاردان بوساتۋ تۋرالى كەلىسىمدەرگە قول قويا وتىرىپ, ەكىجاقتى ىنتىماقتاستىقتى بەلسەندىلەندىرۋگە كەلىستى. قازاقستاندىق ءمينيستردىڭ شاقىرۋىمەن ح.تيمەرمان 2014 جىلى استاناعا كەلەدى دەپ كۇتىلىپ وتىر.
قازاقستاندىق مينيستر ەلدىڭ پارلامەنتىندە دە جىلى قابىلداندى, وندا ە.ىدىرىسوۆ سەنات سپيكەرى – ەلدىڭ ۆيتسە-پرەزيدەنتى حورحە دومينگەسپەن جانە دەپۋتاتتار پالاتاسىنىڭ توراعاسى امادۋ بۋدۋمەن كەلىسسوزدەر جۇرگىزدى. ارگەنتينانىڭ زاڭ شىعارۋشى ورگانىندا ەكى ەلدىڭ پارلامەنتتەرى اراسىندا تىعىز بايلانىس ورناتۋعا مۇددەلىلىك تانىتىلىپ, پارلامەنتشىلەر ساپارلارىمەن الماسۋعا قىزىعۋشىلىق ءبىلدىرىلدى.
ارگەنتينا تارابى قازاقستانعا ايماقتىق كوشباسشى جانە جاھاندىق دەڭگەيدەگى جاۋاپكەرشىلىگى مول مەملەكەت رەتىندە قىزىعۋشىلىق تانىتاتىندارىن مالىمدەدى.