دوحا قالاسىندا (كاتار) ۇلتتىق قۇقىق قورعاۋ مەكەمەلەرى ازيا تىنىق مۇحيتى فورۋمىنىڭ (اتف) شاقىرۋى بويىنشا قازاقستان رەسپۋبليكاسىنداعى ادام قۇقىقتارى جونىندەگى ۋاكىل اسقار شاكىروۆ اتالعان ۇيىمنىڭ جىل سايىنعى كونفەرەنتسياسىنا قاتىستى.
دوحا قالاسىندا (كاتار) ۇلتتىق قۇقىق قورعاۋ مەكەمەلەرى ازيا تىنىق مۇحيتى فورۋمىنىڭ (اتف) شاقىرۋى بويىنشا قازاقستان رەسپۋبليكاسىنداعى ادام قۇقىقتارى جونىندەگى ۋاكىل اسقار شاكىروۆ اتالعان ۇيىمنىڭ جىل سايىنعى كونفەرەنتسياسىنا قاتىستى.
اتف ءىرى وڭىرلىك بىرلەستىك بولىپ تابىلادى, ونىڭ ماقساتى – وڭىردە ادام قۇقىقتارىن ىلگەرىلەتۋ جانە حالىقارالىق ىنتىماقتاستىق, وقىتۋ, تاجىريبە مەن رەسۋرستاردى تاراتۋ ارقىلى مۇشە-مەملەكەتتەردە ۇلتتىق قۇقىق قورعاۋ ينستيتۋتتارىن دامىتۋعا كومەكتەسۋ.
قازاقستاندىق ومبۋدسمەن اتف وكىلدەرىمەن كەلىسسوزدەر جۇرگىزدى, سونداي-اق, قۇقىق قورعاۋ سيپاتىنداعى ماسەلەلەردىڭ كەڭ اۋقىمىن, اتاپ ايتقاندا, ادام قۇقىقتارىن قورعاۋ تەتىگىن دامىتۋ, مەملەكەتتىك ورگاندارمەن ءوزارا ءىس-قيمىلدار, مەملەكەتتىك باسقارۋ ساپاسىن جاقسارتۋ ماسەلەلەرىن تالقىلاپ, بىرقاتار شەتەلدىك ارىپتەستەرىمەن كەزدەستى.
وتكەن كەلىسسوزدەر قورىتىندىسى بويىنشا تاياۋ ۋاقىتتا قازاقستاندىق ۇلتتىق قۇقىق قورعاۋ مەكەمەسىن وسى وڭىرلىك بىرلەستىككە قابىلداۋ تۋرالى رەسمي تۇردە جاريالانادى, دەپ حابارلادى قازاقستان رەسپۋبليكاسىنداعى ادام قۇقىقتارى جونىندەگى ۋاكىل اپپاراتىنىڭ ءباسپاسوز قىزمەتى.