پارلامەنت ءماجىلىسىنىڭ دەپۋتاتى قۋانىش سۇلتانوۆتىڭ توراعالىعىمەن باس پروكۋراتۋرانىڭ زاڭدىلىقتى قامتاماسىز ەتۋ ماسەلەلەرى جونىندەگى قوعامدىق كەڭەسىنىڭ قىلمىستىق قۇقىقتى قولدانۋ مەن قىلمىستىق ءىستى قاراۋدى جەتىلدىرۋ, سونداي-اق, ءدىني ەكسترەميزم مەن تەرروريزمگە قارسى تۇرۋدىڭ وزەكتى ماسەلەلەرىن تالقىلاۋعا ارنالعان كەزەكتى وتىرىسى بولدى.
پارلامەنت ءماجىلىسىنىڭ دەپۋتاتى قۋانىش سۇلتانوۆتىڭ توراعالىعىمەن باس پروكۋراتۋرانىڭ زاڭدىلىقتى قامتاماسىز ەتۋ ماسەلەلەرى جونىندەگى قوعامدىق كەڭەسىنىڭ قىلمىستىق قۇقىقتى قولدانۋ مەن قىلمىستىق ءىستى قاراۋدى جەتىلدىرۋ, سونداي-اق, ءدىني ەكسترەميزم مەن تەرروريزمگە قارسى تۇرۋدىڭ وزەكتى ماسەلەلەرىن تالقىلاۋعا ارنالعان كەزەكتى وتىرىسى بولدى.
وندا باس پروكۋراتۋرا ازىرلەگەن كودەكستەردىڭ جوبالارى اياسىندا قىلمىستىق جانە قىلمىستىق ءىس جۇرگىزۋ زاڭنامالارىن جاڭعىرتۋدىڭ ماڭىزدى باعىتتارى جان-جاقتى تالقىلاندى. جاڭا قىلمىستىق-قۇقىقتىق ينستيتۋتتار اشۋ, سوتقا دەيىنگى ءىس جۇرگىزۋدى جەڭىلدەتۋ, قىلمىستىق پروتسەسس تاجىريبەسىنە جاڭا ۇلگىلەر ەنگىزۋ ماسەلەلەرى قاراستىرىلدى. اتاپ ايتقاندا, قىلمىستىق تەرىس قىلىق سياقتى زاڭعا قايشى ارەكەتتەر ساناتىن ەنگىزۋ, تەرگەۋ سۋدياسى ينستيتۋتىن ەنگىزۋ, قىلمىستىق جازا جۇيەسىن قايتا قاراۋ, باس بوستاندىعىنان ايىرۋدىڭ بالاما شارالارىن قولدانۋدىڭ اياسىن كەڭەيتۋ, كيبەرقىلمىستار ءۇشىن جاۋاپكەرشىلىكتى قاتاڭداتۋ جانە باسقا ماسەلەلەر بويىنشا قىزۋ پىكىرتالاس بولدى.
وتىرىسقا قاتىسۋشىلار اتاپ كورسەتكەندەي, ۇسىنىلىپ وتىرعان جاڭا باعىتتار ازاماتتاردىڭ قۇقىقتارى مەن بوستاندىقتارىن, قوعام مەن مەملەكەتتىڭ مۇددەلەرىن قاۋىپتى قاتەرلەردەن قورعاۋدىڭ ساپالى جاڭا دەڭگەيىن قامتاماسىز ەتۋگە, قىلمىستىق پروتسەستى ايتارلىقتاي جەڭىلدەتۋگە جانە جىلدامداتۋعا, قىلمىستىق زاڭنامانى قالىپتاسقان حالىقارالىق ولشەمگە بارىنشا جاقىنداتۋعا باعىتتالعان.
سونداي-اق, بەلگىلى قوعام قايراتكەرلەرىنەن, دەپۋتاتتىق كورپۋستىڭ, عىلىمي قوعامداستىقتىڭ, بۇقارالىق اقپارات قۇرالدارىنىڭ, ۇكىمەتتىك ەمەس ۇيىمدار مەن قوعامدىق بىرلەستىكتەردىڭ وكىلدەرىنەن تۇراتىن قوعامدىق كەڭەس مۇشەلەرى تەرروريزمگە قارسى تۇرۋدىڭ مەملەكەتتىك جۇيەسىنىڭ تيىمدىلىگىن ارتتىرۋعا, ءدىني ەكسترەميزم پروفيلاكتيكاسىن كۇشەيتۋگە, قوعام مەن مەملەكەتتى تەرروريستىك قاۋىپ-قاتەردەن قورعاۋدى قامتاماسىز ەتۋگە باعىتتالعان سىندارلى ۇسىنىستارىن ءبىلدىردى. بۇل ۇسىنىستاردى مەملەكەتتىك ورگانداردىڭ وكىلدەرى ماقۇلداپ جانە وعان قولداۋ بىلدىرە وتىرىپ, تەرروريزمگە توسقاۋىل قويۋدا مەملەكەتتىك ساياساتتىڭ جەتىستىگى, ەڭ الدىمەن, مەملەكەت پەن قوعامنىڭ بىرلەسە جانە كەلىسە وتىرىپ ءىس-قيمىل جاساسۋىنا بايلانىستى ەكەندىگىن اتاپ كورسەتتى, دەپ حابارلادى باس پروكۋراتۋرانىڭ ءباسپاسوز قىزمەتى.