قازاقستاننىڭ ەكولوگيا, گەولوگيا جəنە تابيعي رەسۋرستار ءمينيسترى ماعزۇم مىرزاعاليەۆ ەلىمىزدەگى ۇلتتىق پاركتەردى دامىتۋ جونىندەگى ۇلتتىق كەڭەس قۇرۋ تۋرالى باستاما كوتەردى. بۇل تۋرالى ول ءوزىنىڭ Twitter-دەگى پاراقشاسىندا جازدى.
«الماتى جۇرتشىلىعى ىلە-الاتاۋى ۇلتتىق پاركىن اباتتاندىرۋ مəسەلەسى جونىندە الاڭداۋشىلىق بىلدىرۋدە. بارلىق تۋىنداعان مəسەلەلەردى شەشۋ ءۇشىن ءبىزدىڭ ۆەدومستۆو قۇرامىنا ساراپشىلار, مينيسترلىك وكىلدەرى, جۇرتشىلىق, ەكوبەلسەندىلەر كىرەتىن ۇلتتىق پاركتەردى دامىتۋ جونىندەگى قوعامدىق كەڭەس قۇرۋ تۋرالى باستاما كوتەردى», - دەپ جازدى م.مىرزاعاليەۆ.
ونىڭ ايتۋىنشا, كەڭەس ينۆەستوردىڭ مىندەتتەمەلەرىن ورىنداۋىنا, ۇلتتىق پاركتەردى دامىتۋ جوسپارىن تالقىلاۋعا قاتىسۋعا, قاجەت بولعان جاعدايدا, ونىڭ اسپەكتىلەرىن ىسكە اسىرۋعا əسەر ەتۋگە باقىلاۋ جاساي الادى.
مينيستر بارلىق مۇددەلى تۇلعالاردى كەڭەسكە قوسىلۋعا شاقىردى.
«تەك بىرىككەن كەزدە عانا ءبىز تابيعات بايلىعىن ساقتاۋ ماقساتىنا قول جەتكىزە الامىز», - دەپ اتاپ ءوتتى ول.
ەكولوگيا مينيسترلىگىنىڭ باسشىسى مينيسترلىكتىڭ ۇلتتىق پاركتەردى «تابيعاتقا جۇك تۇسىرمەي» دامىتۋدى كوزدەپ وتىرعانىن ەسكە سالدى.
«قازىردە ولاردى دامىتۋ كەزىندە اۋقىمدى عيماراتتار سالۋدى قويىپ, ەكو-ءتۋريزمدى دامىتۋعا, جۇرگىنشىلەر جولىن سالۋعا, تەك جەڭىل نىساندار سالۋعا نازار اۋدارۋ قاجەت. ياعني قورشاعان ورتاعا ورىنسىز كيلىگۋ بولماۋى ءتيىس», - دەپ اتاپ ءوتتى م. مىرزاعاليەۆ.