بۇل ءتۋرالى بىلىم جانە عىلىم ءمينيسترى اسحات ايماعامبەتوۆ ونلاين رەجىمدە وتكەن حالىق الدىنداعى ەسەپتىك كەزدەسۋىندە مالىمدەدى.
«قازىرگى تاڭدا وقۋلىقتاردىڭ ساپاسىنا كوپ كوڭىل بولىنەدى. بۇل - وزەكتى ماسەلە وسىعان وراي بيىلدان باستاپ وقۋلىقتاردىڭ ساپاسىنا قويىلاتىن تالاپتاردى كۇشەيتۋ تۋرالى بعم-ءنىڭ بۇيرىعى شىقتى. وقۋلىقتاردى ساراپتاۋ جۇمىستارىمەن تەك تاۋەلسىز ماماندار اينالىسادى. وقۋلىق اۆتورلارى مەن باسپالاردىڭ وقۋلىقتاردى ازىرلەۋدەگى جاۋاپكەرشىلىگى ارتتى. ەندى ساتىپ الىنعان وقۋلىقتاردا قاتەلەر انىقتالعان جاعدايدا, باسپالار بارلىق شىعىندى وزدەرى وتەيدى. اۆتورلار مەن ساراپشىلاردى وقىتۋ جۇمىسى قولعا الىنادى. سونداي-اق جەرگىلىكتى اتقارۋشى ورگاندارعا وقۋلىقتارمەن قامتاماسىز ەتۋ جونىندە قويىلاتىن تالاپتاردى كۇشەيتەمىز, 100% قامتاماسىز ەتۋ ءبىز ءۇشىن قالىپتى جاعدايعا اينالۋى ءتيىس», - دەدى مينيستر.