كەشە «نۇر وتان» پارتياسىنىڭ ورتالىق اپپاراتىندا سايلاۋالدى تۇعىرنامانىڭ 2013 جىلعى ءبىرىنشى جارتىجىلدىقتا ىسكە اسىرىلۋى مەن ايماقتاردا ساياسي دوكترينا جوباسىن تالقىلاۋ جۇمىستارىن قورىتىندىلاعان ءماجىلىس ءوتتى.
ءماجىلىستى اشقان پارتيا توراعاسىنىڭ ءبىرىنشى ورىنباسارى باۋىرجانبايبەك: «ەلباسىنىڭ تاپسىرماسى بويىنشا بارىمىزدە – ۇكىمەت مۇشەلەرى, ساياسيكەڭەس, بيۋرو مۇشەلەرى, ءبىزدىڭ فراكتسيانىڭ دەپۋتاتتارى ايماقتارعا شىعىپ, اۋداندار مەن قالالارعا بارىپ, جالپى جۇرتشىلىقپەن, پارتيالاستارمەن كەزدەسىپ, ول جۇزدەسۋلەردە ساياسي دوكترينانىڭ جوباسىن كەڭىنەن تالقىلادىق.
كەشە «نۇر وتان» پارتياسىنىڭ ورتالىق اپپاراتىندا سايلاۋالدى تۇعىرنامانىڭ 2013 جىلعى ءبىرىنشى جارتىجىلدىقتا ىسكە اسىرىلۋى مەن ايماقتاردا ساياسي دوكترينا جوباسىن تالقىلاۋ جۇمىستارىن قورىتىندىلاعان ءماجىلىس ءوتتى.
ءماجىلىستى اشقان پارتيا توراعاسىنىڭ ءبىرىنشى ورىنباسارى باۋىرجان بايبەك: «ەلباسىنىڭ تاپسىرماسى بويىنشا بارىمىزدە – ۇكىمەت مۇشەلەرى, ساياسيكەڭەس, بيۋرو مۇشەلەرى, ءبىزدىڭ فراكتسيانىڭ دەپۋتاتتارى ايماقتارعا شىعىپ, اۋداندار مەن قالالارعا بارىپ, جالپى جۇرتشىلىقپەن, پارتيالاستارمەن كەزدەسىپ, ول جۇزدەسۋلەردە ساياسي دوكترينانىڭ جوباسىن كەڭىنەن تالقىلادىق. ەندى الدا پارتيا سەزى كەلە جاتىر, ايماقتاردا كونفەرەنتسيالار ءوتىپ, سەزگە 1200 دەلەگات سايلاندى. استانادا پارتيا فورۋمى ەكى كۇنگە جالعاسادى. ونى پارتيا قۇرىلتايى دەپ ايتۋعا بولادى», دەي كەلە, قاي كەزدە دە سەزدە ەل ءۇشىن ماڭىزى بار شەشىمدەر قابىلداناتىنىن اتاپ كورسەتتى.
ب.بايبەك دوكترينا جوباسى بويىنشا پارتيا مۇشەلەرى مەن كوپشىلىكتەن تۇسكەن ۇسىنىستاردى دا كوكتەي شولىپ وتكەن. ماسەلەن, جاستارمەن جۇمىستى كۇشەيتۋ, قازاق ءتىلىن دامىتۋدى دوكترينادا ناقتىلاپ ايتۋ, جالپىعا ورتاق ەڭبەك قوعامىن قۇرۋ, ايماقتاردىڭ وركەندەۋى سىندى قاداۋ-قاداۋ, بارشا قازاقستاندىقتار ءۇشىن ماڭىزى بار ماسەلەلەر قامتىلعانىنا توقتالعان. مۇنان كەيىن دوكترينا ءماتىنىنىڭ قازاق تىلىندەگى نۇسقاسى بويىنشا ساۋىتبەك ابدراحمانوۆ باستاعان ارنايى جۇمىس توبىنىڭ تەر توگىپ, ونى اياقتاپ شىققانىن جەتكىزدى جانە پارتيا جارعىسىنا ەنگىزىلەتىن وزگەرىستەر بويىنشا دا جۇمىس توبى ەڭبەكتەنگەنىن ايتىپ, پرەمەر-ءمينيستردىڭ ءبىرىنشى ورىنباسارى – وڭىرلىك دامۋ ءمينيسترى باقىتجان ساعىنتاەۆقا ءسوز بەردى.
جينالعاندار نازارىن وزىنە اۋدارعان باقىتجان ءابدىر ۇلى 2011 جىلى پارتيانىڭ 2017 جىلعا دەيىنگى سايلاۋالدى تۇعىرناماسى ازىرلەنگەندە ۇكىمەتكە بىرقاتار ماڭىزدى ەكونوميكالىق جانە الەۋمەتتىك مىندەتتەر قويىلعانىن العا تارتتى. «وسى مىندەتتەردىڭ ءساتتى جانە جۇيەلى ورىندالۋى ءۇشىن ۇكىمەت پارتيامەن بىرلەسكەن تياناقتى جوسپار قابىلداعان بولاتىن جانە ول ورىندالۋدا. سايلاۋالدى تۇعىرنامانى ورىنداۋ بويىنشا جۇمىستى ورتالىق جانە جەرگىلىكتى اتقارۋشى ورگانداردىڭ باسشىلارى تىكەلەي باسقارادى جانە ول ءۇشىن جەكە جاۋاپ بەرەدى. جىل باسىندا ۇكىمەتتىڭ وتىرىسىندا پارتيانىڭ سايلاۋالدى تۇعىرناماسىن جۇزەگە اسىرۋعا باعىتتالعان 360-تان استام ءىس-شارانى قامتيتىن جوسپارى قارالعان بولاتىن. ال بۇگىنگى تاڭدا جوسپاردىڭ 68 ءىس-شاراسى جۇزەگە استى, 252-ءسى جۇزەگە اسىرىلۋ ۇستىندە, 27-ءنىڭ ىسكە اسىرىلاتىن مەرزىمى جەتكەن جوق, وبەكتيۆتى سەبەپتەرمەن 15-ءىنىڭ مەرزىمى كەيىنگە شەگەرىلدى», دەگەن ول پارتيا تۇعىرناماسىن جۇزەگە اسىرۋدىڭ ارقاسىندا ەلىمىزدە ماكروەكونوميكالىق تۇراقتىلىق ورناعانىن, ەكونوميكانىڭ ءوسۋ دەڭگەيىنىڭ 5-8 پايىزدى قۇراعانىن كولدەنەڭ تارتتى جانە ءوڭىرلەردىڭ دە بۇل تۇرعىدا تابىستارى بار ەكەنىن اتاپ ءوتتى. تۇعىرنامادا اتقارىلۋعا ءتيىس دەگەن مەجەلەردىڭ ورىندالۋىنىڭ حالىقتىڭ تۇرمىسىنا تيگىزگەن وڭ اسەرى دە شەشەن نازارىنان تىس قالمادى.
كەزدەسۋ كەزىندە وعان قاتىسۋشى ۇكىمەت مۇشەلەرى, پارتيا كۋراتورلارى – پارلامەنت ءماجىلىسىنىڭ دەپۋتاتتارى سايلاۋالدى تۇعىرنامانىڭ 2013 جىلعى ءبىرىنشى جارتىجىلدىقتا ورىندالۋ بارىسىن تالقىعا سالدى.
«بىزگە سەزد جوبالارىن ناقتى ىسكە اسىرۋ باعىتىندا شارالار باعدارلاماسىن دايىنداۋدى قامتاماسىز ەتۋىمىز كەرەك. پارتيانىڭ سايلاۋالدى تۇعىرناماسىندا بەرىلگەن ۋادەلەرىمىزدىڭ ورىندالۋ بارىسىن جۇيەلى تەكسەرۋ ىستەرىن قامتاماسىز ەتۋ وتە ماڭىزدى», دەگەن توراعانىڭ ءبىرىنشى ورىنباسارى دوكترينا قابىلدانعاننان كەيىن پارتيانىڭ بارلىق ستراتەگيالىق جانە باعدارلامالىق قۇجاتتارىنىڭ «قازاقستان-2050» ستراتەگياسىمەن ۇيلەسۋى قاجەتتىگىنە ءمان بەردى.
جينالعاندار سايلاۋالدى تۇعىرنامانى ىسكە اسىرۋ شارالارى جوباسىنا تۇزەتۋلەر ەنگىزۋ قاجەت دەپ تاۋىپ, اتاپ ايتقاندا, وندا ءومىر ءسۇرۋ ساپاسىن جاقسارتۋعا باعىتتالعان شارالار مەن ينديكاتورلار قامتىلۋى ءتيىس دەگەن پىكىر ءبىلدىردى.
پارتيانىڭ سايلاۋالدى تۇعىرناماسىنىڭ تۇزەتىلگەن جوباسى 18 قازاندا وتەتىن پارتيا سەزىنىڭ ساياسي بيۋروسى ماجىلىسىندە قارالاتىن بولادى.
انار تولەۋحانقىزى,
«ەگەمەن قازاقستان».