ونىڭ جۇمىسىنا توراعالىق ەتكەن قاجىمۇرات حايرۋشەۆ پەن «ەسوјەگ» قاۋىمداستىعى باتىس قازاقستان بويىنشا فيليالىنىڭ باسشىسى راشيت مۇستاپاەۆ ايماقتاعى ەكولوگيالىق ماسەلەلەر تۋرالى ايتىپ, شەشۋ جولدارىن قاراستىرۋ قاجەتتىگىن تىلگە تيەك ەتتى. بۇل تۋرالى ماڭعىستاۋ وبلىسى ەكولوگيا دەپارتامەنتى ءباسپاسوز قىزمەتى حابارلادى.
كەڭەس مۇشەلەرى دە قالىس قالماي, ماڭىزدى ماسەلەلەردى قوزعاعان بولاتىن. ماڭعىستاۋ وبلىسى وڭىرلىك ەكولوگيالىق كەڭەسىنىڭ توراعاسى قاجىمۇرات حايرۋشەۆ مۇناي-گاز كومپانيالارى تاراپىنان ەكولوگيالىق تالاپتارىنىڭ ءجيى بۇزىلۋى تۋرالى, مۇناي قۇبىرلارى جارىلعان جاعدايدا ونىڭ قورشاعان ورتاعا ايتارلىقتاي زيان كەلمەي تۇرىپ شۇعىل قالپىنا كەلتىرۋدە شىن مانىندە ناقتى تاۋەكەلدەر بارىن اشىپ ايتتى. ول كاسپي تەڭىزىندەگى ءجيى قىرىلاتىن يتبالىقتار تۋرالى دا ءسوز قوزعادى. ونىڭ پىكىرىنشە, كاسپي تەڭىزىن لاستاماۋ مۇمكىندىگىنە يە بولۋ ءۇشىن مۇناي-گاز كەن ورىندارىنىڭ وبەكتىلەرىندە ونلاين مونيتورينگ ورناتۋ قاجەت. سونىمەن قاتار, تۇرمىستىق قاتتى قالدىقتار بويىنشا دا ءتۇيىنى تارقاماعان ماسەلەلەر بار. سونىمەن قاتار, كاسپي ماڭى ەلدەرى اراسىندا مارتەبەسىنەن ايىرىلىپ قالۋ قاۋپى زور ەكەندىگىن دە جوققا شىعارمادى.
وڭىرلىك ەكولوگيالىق كەڭەستىڭ مۇشەسى كيريلل وسين «Caspian Oil Trans» جشس تاراپىنان مەملەكەتتىك نورماتيۆتەردىڭ, قاۋىپسىزدىك ەرەجەلەرىنىڭ كوپتەگەن بۇزۋشىلىقتارى جانە تەحنولوگيالىق قۇبىر تۇرىندە سالىنباقشى قۇرىلىستان, ناقتى ماگيسترالدىق مۇناي قۇبىرىنان, ۇيىمىمەن ەكولوگيالىق نورمالاردى بۇزىلۋىنا جول بەرىلمەك, ونىڭ سالدارى ءبىراز قيىندىقتارعا اكەلەتىنى تۋرالى ءسوز قوزعادى.
ەكو-امباسسادور ادىلبەك قوساباقوۆ راسمسار كونۆەنتسياسى تۋرالى جانە وسى ماڭىزدى حالىقارالىق قۇجاتتان قازاقستان تابيعاتى ءۇشىن قانداي پايدالى تۇستارى بار ەكەندىگى تۋرالى تۇسىنىك بەردى. ونىڭ ايتۋىنشا, سۋلى-باتپاقتى القاپتاردىڭ جاي-كۇيىن ەكسپرەسس-باعالاۋ اياقتالعان.
وڭىرلىك كەڭەستىڭ باسقا دا مۇشەلەرى ءوز پىكىرلەرىن ورتاعا سالدى. كەڭەس جۇمىسىنا ماڭعىستاۋ وبلىسىنىڭ ەكولوگيا دەپارتامەنتىنىڭ باسشىسى رۋسلان توكەنوۆ قاتىسىپ, قورشاعان ورتانى قورعاۋعا قاتىستى بارلىق وزەكتى ماسەلەلەرگە تۇشىمدى جاۋاپتار بەردى.
الداعى ۋاقىتتا وڭىرلىك ەكولوگيالىق كەڭەس ايماقتاعى ەكونوميكالىق ءوسۋ مەن قورشاعان ورتا دەڭگەيىنىڭ جاقسارۋى اراسىنداعى تەڭگەرىمدى ساقتاۋ جونىندەگى ناقتى ۇسىنىستارمەن ءتيىستى مەكەمەلەرگە شىعاتىن بولادى. ءبىرىنشى كەزەكتە كاسىپورىنداردى جاڭا جاسىل تەحنولوگيالارعا كوشۋىن ىنتالاندىرۋ تۋرالى ماسەلەنى العا تارتۋ ماڭىزدى. كەڭەس جۇمىسىنىڭ ماڭىزدى باعىتتارىنىڭ ءبىرى بولىپ - قورشاعان ورتانى قورعاۋ سالاسىنداعى مادەنيەتتى ارتتىرۋ بولىپ تابىلادى.
ەستەرىڭىزگە سالا كەتەيىك, اتالعان كەڭەس قوعامدىق نەگىزدەگى كونسۋلتاتيۆتىك-كەڭەسشى ورگان بولىپ تابىلادى, وعان مۇشە رەتىندە بەلسەندىلەر, بلوگەرلەر, ۇەۇ باسشىلارى, سونداي-اق ماڭعىستاۋ وبلىسى بويىنشا ەكولوگيا دەپارتامەنتىنىڭ باسشىسى جانە باقىلاۋشى رەتىندە ماڭعىستاۋ وبلىسىنىڭ تابيعات قورعاۋ پروكۋرورى كىرگەن بولاتىن.
ماڭعىستاۋ وبلىسى