بۇل كۇندەرى وبلىس بويىنشا بىرنەشە اۋدان ورتالىقتارىندا, اۋىلداردا قۇس وسىرەتىن كاسىپورىندار جۇمىس جاساۋدا. بىلتىر شارباقتى, قىزىلجار اۋىلدارىنداعى قۇس فابريكالارى ىسكە قوسىلدى. ەندى مىنە, تاعى ءبىر جاڭا جوبا – پاۆلودار اۋدانىنىڭ پرەسنوە اۋىلىندا دا قۇس فابريكاسىنىڭ قۇرىلىسى باستالماقشى.
بۇل قۇرىلىسقا 75 ميلليون تەڭگە قاراستىرىلىپتى. قازىر قۇرىلىس جۇمىستارىن قارجىلاندىرۋ جونىندە چەح رەسپۋبليكاسىنىڭ ينۆەستورىمەن كەلىسىم جاسالدى.
بۇل كۇندەرى وبلىس بويىنشا بىرنەشە اۋدان ورتالىقتارىندا, اۋىلداردا قۇس وسىرەتىن كاسىپورىندار جۇمىس جاساۋدا. بىلتىر شارباقتى, قىزىلجار اۋىلدارىنداعى قۇس فابريكالارى ىسكە قوسىلدى. ەندى مىنە, تاعى ءبىر جاڭا جوبا – پاۆلودار اۋدانىنىڭ پرەسنوە اۋىلىندا دا قۇس فابريكاسىنىڭ قۇرىلىسى باستالماقشى.
بۇل قۇرىلىسقا 75 ميلليون تەڭگە قاراستىرىلىپتى. قازىر قۇرىلىس جۇمىستارىن قارجىلاندىرۋ جونىندە چەح رەسپۋبليكاسىنىڭ ينۆەستورىمەن كەلىسىم جاسالدى.ال, جالپى جوبانىڭ قۇرىلىسى 2 جارىم جىلعا جوسپارلانىپ وتىر. نەگىزىنەن, پرەسنوە اۋىلىنىڭ تۇرعىندارىنا قۇس فابريكاسىنىڭ سالىنۋى جاڭالىق ەمەس, بۇرىنعى جىلدارى بۇل جەردە وبلىستى جۇمىرتقا, قۇس ەتىمەن قامتاماسىز ەتكەن «اۆانگارد» قۇس فابريكاسى بولعان-دى. اۋىلدىقتاردىڭ قۇس وسىرۋدە ءتاجىريبەلەرى بار. زاماننىڭ قيىنداۋ كەزىندە وسى ءوندىرىس ورنىن جوعالتىپ الىپ ەدى. ەندى الەمدىك ستاندارتقا ساي جاڭا فابريكا بۇرىنعى كاسىپورىن ورنىنان بوي كوتەرمەك. تەحنولوگيا شەتەلدەن اكەلىنەدى, جۇمىرتقا دا, قۇس ەتى دە وندىرىلەدى. اۋىلدىقتارعا جۇمىس ورىندارى اشىلادى. جالپى, قۇس شارۋاشىلىعى «قالدىقسىز شارۋاشىلىق» دەپ تە اتالادى. ەتى مەن جۇمىرتقاسىن ايتپاعاننىڭ وزىندە, ۇلپىلدەك مامىعى تۇرمىستىق قاجەتتىلىكتەرگە, ءتىپتى وندىرىسكە دە قاجەت كورىنەدى. بيىل قۇس سانىن 600 مىڭعا جەتكىزەمىز دەپ وتىرمىز, دەيدى «قىزىلجار قۇس» فابريكاسىنىڭ باسشىسى نيكولاي رۋدەنكو.
ال, شارباقتىداعى كاسىپورىن وبلىس اكىمدىگىنىڭ قولداۋىمەن قايتادان جۇمىس باستادى. بىلتىر كەمەروۆ جاقتان 120 مىڭ بالاپان ساتىپ اكەلىندى. ءسويتىپ, جۇمىسسىز قالعان اۋىلدىقتار قايتادان ءوز ورىندارىنا جۇمىسقا كەلدى. كاسىپورىنعا 200 ميلليون تەڭگە ينۆەستيتسيا قۇيىلدى. شارباقتىلىق قۇس فابريكاسى سونداي-اق, تالدىقورعاندىق قۇس فابريكاسىمەن كەلىسىمشارتقا وتىردى. وڭىردە ءتىپتى, جاس وتباسىلاردىڭ الەۋمەتتىك- تۇرمىستىق جاعدايلارىن جاقسارتۋ ماقساتىندا ولارعا قۇس جانە مال ۇلەستىرۋ باعدارلاماسى باستاۋ الدى. ويتكەنى, بۇگىنگى كۇندەرى قۇس وسىرۋمەن اۋىلدىقتار دا, قالالىقتار دا اينالىسۋدا. شارباقتى اۋىلىنداعى قۇس فابريكاسى, مىسالى, جەلەزين, قاشىر اۋداندارىنان كەلگەن جاس وتباسىلارىنىڭ ارقايسىسىنا 50 تاۋىق بالاپاندارىن بەردى. ەندى بۇل باعدارلاماعا وبلىستىڭ اۋىلدارىندا تۇراتىن 50 جاس وتباسى قاتىسپاقشى. ال, ۇلەستىرىلەتىن 50 بالاپاننىڭ جالپى قۇنى 6 مىڭ تەڭگەنى قۇرايدى.
اۋىل جاستارى بۇل قاراجاتتىڭ جارتىسىن تولەيدى, قالعانى دەمەۋشىلەر موينىندا. الداعى جىلدارى ەكىباستۇز قالاسىنىڭ اتىعاي اۋىلىندا جانە اقسۋ قالاسىنىڭ وزىندەگى قۇس فابريكالارىن قايتادان قاتارعا قوسىپ, ەل يگىلىگىنە جاراتۋ قولعا الىنۋدا. قازىردىڭ وزىندە وبلىس ءوز تۇتىنۋشىلارىن جەرگىلىكتى جۇمىرتقا, قۇس ەتى ونىمدەرىمەن قامتاماسىز ەتۋگە قول جەتكىزە باستادى. ياعني ۇيدەگى قازاندا مۇحيت اسىپ الىستان كەلەتىن تاۋىق سيراقتارىن پىسىرگەنشە, جەرگىلىكتى تازا ءونىمنىڭ الدەقايدا ارتىق ەكەنىن ەندى تۇسىنە باستادىق. ءسويتىپ, قۇس وسىرۋدە قولعا الىنعان جوبالار تولىقتاي جۇزەگە اسقاندا وبلىس ونىڭ ونىمدەرىن ەكسپورتقا دا شىعارا الادى. بۇل كۇندەرى قۇس وسىرۋشىلەر كاسىپورىندار جانىنان شەتەلدەردەگىدەي جەم-ازىق كەشەندەرىنىڭ قۇرىلىسىن قاتار سالۋدى دا ويلاستىرۋدا.
فاريدا بىقاي,
«ەگەمەن قازاقستان».
پاۆلودار وبلىسى.