ابىلايدىڭ ارمانىنا قازىرگى قازاقستان قول جەتكىزگەنىن ەرەكشە ماقتان تۇتىپ, ىشكى ىنتىماعىمىزدى, سۇتتەي ۇيىعان تاتۋلىعىمىزدى ساقتاۋعا قىزمەت ەتۋ بارشامىزدىڭ پارىزىمىز.
نۇرسۇلتان نازارباەۆ.
(«ابىلاي اڭساعان ازاتتىق»).
ەلباسىنىڭ «ەگەمەن قازاقستاندا» جاريالانعان «ابىلاي اڭساعان ازاتتىق» اتتى ماقالاسى – ەلدىك سانانى ءدۇر سىلكىندىرگەن ەلەۋلى ەڭبەك. گازەت رەداكتسياسىنا شىعىس قازاقستان وبلىسىنداعى ارداگەرلەر اتىنان كەلىپ تۇسكەن حات وسىنىڭ ءبىر دالەلى. وسى ايماققا اتى بەلگىلى اعا ۇرپاق وكىلدەرى بوشاي كىتاپباەۆ, حافيز ماتاەۆ, ناسەن سەمباەۆ, قانيپا بىتىباەۆا, گەننادي بەرديۋگين, فرۋنزە جاقسىلىقوۆ, ءازىمحان سادۋاقاسوۆ, اناتولي ەرەمەنكو, اراپ ەسپەنبەتوۆ, گۇلبارام ەتەكباەۆا مەملەكەت باسشىسىنىڭ جوعارىدا اتالعان ماقالاسىنا بىلاي دەپ ءۇن قاتادى.
اسا قۇرمەتتى نۇرسۇلتان ءابىش ۇلى!
ءوزىڭىزدىڭ «ابىلاي اڭساعان ازاتتىق» اتتى تاعىلىم مەن پاراساتقا تولى ماقالاڭىزدى مۇقيات وقىپ, ەلىمىزدىڭ وتكەنى مەن كەلەشەگىنە دەگەن اسقان جاۋاپكەرشىلىگىڭىزگە تاعى ءبىر مارتە ءتانتى بولدىق.
ابىلايدىڭ ارمانىنا قازىرگى قازاقستان قول جەتكىزگەنىن ەرەكشە ماقتان تۇتىپ, ىشكى ىنتىماعىمىزدى, سۇتتەي ۇيىعان تاتۋلىعىمىزدى ساقتاۋعا قىزمەت ەتۋ بارشامىزدىڭ پارىزىمىز.
نۇرسۇلتان نازارباەۆ.
(«ابىلاي اڭساعان ازاتتىق»).
ەلباسىنىڭ «ەگەمەن قازاقستاندا» جاريالانعان «ابىلاي اڭساعان ازاتتىق» اتتى ماقالاسى – ەلدىك سانانى ءدۇر سىلكىندىرگەن ەلەۋلى ەڭبەك. گازەت رەداكتسياسىنا شىعىس قازاقستان وبلىسىنداعى ارداگەرلەر اتىنان كەلىپ تۇسكەن حات وسىنىڭ ءبىر دالەلى. وسى ايماققا اتى بەلگىلى اعا ۇرپاق وكىلدەرى بوشاي كىتاپباەۆ, حافيز ماتاەۆ, ناسەن سەمباەۆ, قانيپا بىتىباەۆا, گەننادي بەرديۋگين, فرۋنزە جاقسىلىقوۆ, ءازىمحان سادۋاقاسوۆ, اناتولي ەرەمەنكو, اراپ ەسپەنبەتوۆ, گۇلبارام ەتەكباەۆا مەملەكەت باسشىسىنىڭ جوعارىدا اتالعان ماقالاسىنا بىلاي دەپ ءۇن قاتادى.
اسا قۇرمەتتى نۇرسۇلتان ءابىش ۇلى!
ءوزىڭىزدىڭ «ابىلاي اڭساعان ازاتتىق» اتتى تاعىلىم مەن پاراساتقا تولى ماقالاڭىزدى مۇقيات وقىپ, ەلىمىزدىڭ وتكەنى مەن كەلەشەگىنە دەگەن اسقان جاۋاپكەرشىلىگىڭىزگە تاعى ءبىر مارتە ءتانتى بولدىق.
وتكەنسىز بولاشاق جوق... تاسقا قاشالىپ جازىلعان ءتول تاريحىمىزدى قايتا قولعا الىپ, وبەكتيۆتى باعاسىن بەرۋ جاس ۇرپاقتىڭ بويىندا ءوز ەلىنە, تۋعان جەرىنە دەگەن اسقاق سەزىمىن وياتىپ, يگىلىكتى ىستەرگە باستايتىندىعى ءسوزسىز.
ابىلايداي داڭقتى تۇلعانىڭ ەل ەگەمەندىگى ءۇشىن اتقارعان ابىرويلى ساياسي-ديپلوماتيالىق قىزمەتى كەشەگى قىسىلتاياڭ شاقتا ەسكەرىلمەدى. ەل ەگەمەندىگىن العان تۇستا عانا تاريح اقتاڭداقتارىنىڭ بەتى اشىلا باستادى.
ابىلايدىڭ قازاق ەلىنىڭ ەگەمەندىگىن ساقتاپ, شەكاراسىنىڭ بۇتىندىگىنە نۇقسان كەلتىرمەۋ جونىندە اسپاناستى ەلى مەن رەسەي يمپەرياسى سىندى الپاۋىت مەملەكەتتەر اراسىندا جۇرگىزگەن ساليقالى ساياساتى بۇگىنگى ۇرپاق جادىندا ماڭگىگە ساقتالۋى ءتيىس. سەبەبى, سونىڭ ارقاسىندا التاي مەن اتىراۋ, قاراتاۋ مەن قىزىلجار ارالىعىنداعى ۇلان-عايىر اتىراپ بۇگىنگى ۇرپاققا امانات بولىپ جەتتى. ەڭ باستىسى – حالقىمىز بۇنىڭ بارلىعىنا بەرەكە-بىرلىكتىڭ ارقاسىندا عانا قول جەتكىزۋگە بولاتىندىعىن جەتە ءتۇسىنۋى ءتيىس.
دانا حالقىمىزدا «بولىنگەندى ءبورى جەيدى» دەگەن ءسوز بار. ءبىز جۇزگە, رۋعا بولىنگەننىڭ سالدارى قانداي بولاتىندىعىن جاقسى بىلەمىز. الايدا, نەبىر ناۋبەت جىلداردى باسىنان وتكەرگەن قازاق ەلىنىڭ, ازۋىن ايعا بىلەپ, قولعا قارۋ الىپ وتان ءۇشىن وتقا تۇسكەن كۇندەردەن دە بەيحابار ەمەسپىز. ءارىسى قابانباي, بوگەنباي, رايىمبەك, قاراساي, بەرىسى باۋىرجان, قاسىم, تولەگەن, تالعات, ءاليا مەن مانشۇك سىندى ەرلىك, ورلىك رۋحىمەن سۋسىنداعان باتىرلارىمىزدىڭ اڭساعان باستى ارمانى كيەلى تاۋەلسىزدىگىمىز ەدى.
تاۋبە, بۇگىنگى كۇنى ءوزىڭىزدىڭ بىلگىر باسشىلىعىڭىزدىڭ ارقاسىندا تورتكۇل الەمگە تانىلىپ ۇلگەرگەن كوپۇلتتى قازاقستان حالقى, كەشەگى ابىلايدىڭ اڭساعان ارمان-مۇراتتارىنا جەتىپ, باياندى عۇمىر كەشۋدە. بەيبىتشىلىكسۇيگىش قازاق ەلى بۇگىندە ءوز تاۋەلسىزدىگىن نىعايتىپ, ءبىر اتانىڭ بالاسىنداي ەڭبەكتەنىپ, جۇمىستىڭ جەمىسىن تاتۋدا. سەبەبى, الدىمىزعا قويىلىپ وتىرعان ماقساتىمىز ورتاق. ول – «قازاقستان-2050» ستراتەگياسىندا ايتىلعان وزىق وتىز ەلدىڭ قاتارىنا كىرۋ. بۇل ماقساتىمىز تولىقتاي ورىندالاتىندىعىنا سەنىمدىمىز.
قازىرگى تاڭدا «قازاقستان» مەن «بەيبىتشىلىك» سوزدەرى ەگىز ۇعىمعا اينالعانداي. ويتكەنى, ءبىز يادرولىق ارسەنالىمىزدان وزدىگىمىزبەن باس تارتىپ, الەمگە ىنتىماقتى تۋ ەتكەن ەل رەتىندە تانىلدىق. ال بۇل وقيعانىڭ ەلىمىز ءۇشىن, سونىڭ ىشىندە سەمەي جەرى ءۇشىن قانشالىقتى قۋانىش اكەلگەندىگى جاقسى بەلگىلى.
لايىم, قۋانىشىمىز ورتايماسىن!
ەكى عاسىردىڭ توعىسقان شاعىندا ەڭبەك ەتكەن ءبىز ءالى كۇنگە دەيىن كەشەگى كەڭەستىك داۋىرمەن بۇگىنىمىزدى سالىستىرۋمەن كەلەمىز, كوپ ويلانامىز, بۇگىنىمىزگە مىڭ دا ءبىر شۇكىرشىلىك ەتەمىز! قازىرگى ماقساتىمىز – كەشەگى بابالار اماناتىن ادال ورىنداپ وتىرعان وزىڭىزدەي پرەزيدەنتىمىزدىڭ ەرتەڭگى بولاشاق جونىندەگى پايىمدى ويلارىن ىسكە اسىراتىن جاستارىمىزعا باتالى ءسوزىمىزدى ايتىپ, دۇرىس جولعا باعىتتاۋ.
ابايداي دانانى, شاكارىمدەي بابانى, مۇحيت ويلى مۇحتارداي الىپتاردى تۋدىرعان كيەلى شىعىس ەلى ءوزىڭىزدىڭ ءار باستاماڭىزدى تولىق قۋاتتايدى.
اسا قۇرمەتتى نۇرسۇلتان ءابىش ۇلى!
ابىلاي اڭساعان ازاتتىعىمىز ماڭگىلىك بولسىن! ونى ماڭگىلىككە اپارار ۇرپاعىمىزعا قۇداي مىقتى دەنساۋلىق, اقىل-پاراساتىن مولىنان بەرسىن. ەل ىرگەسى امان بولسىن. سابيلەرىمىزدىڭ ۇيقىسى تىنىش بولسىن. اماناتقا قيانات جاسامايتىن قازاق ەلىنىڭ ماڭدايى جارىق بولسىن! وزىڭىزگە مىقتى دەنساۋلىق, اماندىق تىلەيمىز! ابىلايداي دانانىڭ اتىن اسقاقتاتقان اتالى سوزىڭىزگە العىس ايتامىز.