ءبىلىم جانە عىلىم ءمينيسترى اسحات ايماعامبەتوۆ ەسەپ بەرۋ كەزدەسۋىندە ينكليۋزيۆتى ءبىلىم بەرۋ ماسەلەسىنە توقتالدى
«بۇل ماسەلە وتە كۇردەلى. بۇعان تەك قانا ءتيىستى پاندۋستار قويۋ جانە ماتەريالدىق جاقتان جاعداي جاساۋ دەپ قاراماۋىمىز كەرەك. ويتكەنى, ەڭ باستىسى پاندۋستار ەمەس, باعدارلامالار. ەڭ باستىسى – ءبىزدىڭ قوعامنىڭ دايىن بولۋى. وقىتۋشىلارىمىز بەن پەداگوگتارىمىزدىڭ سول بالالارمەن جۇمىس ىستەۋگە كەلەتىن قۇزىرەتتىلىگىن دامىتۋ ماسەلەسى. سوندىقتان ءبىز بۇل ماسەلەنى جان-جاقتان قاراستىرىپ, شەشۋ جولدارىن بىلەمىز جانە ءتيىستى شەشىمدەر قابىلدانۋدا. مىسالى, بيىلعى جىلعى قىركۇيەك ايىنان باستاپ قاۋلى قابىلداندى. سول قاۋلىنىڭ شەڭبەرىندە مەكتەپتەردە ارنايى قاجەتتىلىگى بار ءبىزدىڭ بالالارىمىز ءۇشىن تيۋتورلار شتاتىن اشۋعا مۇمكىندىك پايدا بولدى», - دەدى مينيستر.
سونداي-اق ا. ايماعامبەتوۆ وسى ينكليۋزيۆتى ءبىلىم بەرۋ ماسەلەسى بويىنشا مينيسترلىك ءارى قاراي دا قوعامدىق ۇيىمدارمەن جانە ازاماتتىق قوعاممەن بىرگە جۇمىستى جالعاستىراتىنىن ايتتى.