بوكستان ازەربايجان قۇراماسى الماتىدا وتەتىن الەم چەمپيوناتىنا قاتىساتىن قۇرامىن انىقتادى. بۇل تۋرالى ازەربايجان بوكس فەدەراتسياسىنىڭ مالىمەتىنە سىلتەمە جاساعان Sport.1news.az ءتىلشىسى حابارلادى.
-سپورتتىق مانسابىن اياقتاعان سامير مامەدوۆتى (56 كگ) دجاۆيد چەلەبيەۆ الماستىردى. ال جاستار اراسىنداعى 2012 جىلعى الەم چەمپيوناتىنىڭ جۇلدەگرى پيارۆيز باگيروۆ (69 كگ) بىرىنشىلىكتە تامەرلان ابدۋللاەۆتىڭ ورنىندا ونەر كورسەتەدى, - دەلىنگەن حابارلامادا.
ءبىر ايتا كەتەتىن ءجايت, تامەرلان – قازاقتىڭ جيەنى. ونىڭ اناسى وڭتۇستىك قازاقستان وبلىسىنىڭ تۋماسى. ناعاشى اتا-اجەسى قازىر دە وسى وڭىردە تۇرادى.
ازەربايجان قۇراماسىنىڭ مۇشەدەرى قازىرگى كۇندەرى قازاقستان جەرىندە. ولار ءبىزدىڭ قۇراما جىگىتتەرىمەن بىرگە جاتتىعىپ جاتىر.
سونىمەن, ازەربايجان قۇراماسى مىناداي:
49 كگ – سالمان اليزادە, ەۋروپانىڭ 2011 جانە 2013 جىلدارعى قولا جۇلدەگەرى;
52 كگ - ەلۆين ماميشزادە, 2010 جىلعى ەۋروپا چەمپيوناتىنىڭ كۇمىس جۇلدەگەرى, 2013 جىلعى قولا جۇلدەگەرى;
56 كگ - دجاۆيد چەلەبيەۆ;
60 كگ – ەلۆين يساەۆ;
64 كگ – گەيباتۋللا گادجاليەۆ, ەۋروپانىڭ 2011 جىلعى قولا جۇلدەگەرى;
69 كگ – پيارۆيز باگيروۆ;
75 كگ – سولتان ميگيتينوۆ;
81 كگ – راۋف راگيموۆ;
91 كگ - تەيمۋر مامەدوۆ – ەۋروپانىڭ 2011 جىلعى چەمپيونى, 2013 جىلعى كۇمىس جۇلدەگەرى, الەمنىڭ 2011 جىلعى كۇمىس جۇلدەگەرى, 2012 جىلعى وليمپيالىق ويىنداردىڭ قولا جۇلدەگەرى;
+91 كگ – ماگومەدراسۋل مەدجيدوۆ – الەمنىڭ 2011 جىلعى چەمپيونى, 2013 جىلعى ەۋروپا چەمپيونى, 2012 جىلعى وليمپيالىق ويىنداردىڭ قولا جۇلدەگەرى.
باس جاتتىقتىرۋشى – ۆلاديمير زولوتارەۆ, جاتتىقتىرۋشى - ناريمان ابدۋللاەۆ.
رۋسلان يگىلىك.