اۋىلداعى اياق كيىم فابريكاسى

سونىعا سوقپاق سالۋ قايدان وڭاي بولسىن, ءبىر كەزدە نۇر-سۇلتان قالاسىنداعى شاعىن عيماراتتى جالداپ العان ولار دايىن ءونىمدى ساتۋمەن دە اينالىسىپ كوردى. ارينە بۇل كاسىپتىڭ جەڭىل ءتۇرى. ءوتىمدىسىن تاڭداپ الىپ, ءبىر جەردەن اكەلىپ, ەكىنشى جەرگە ساتاسىڭ. بار جۇمىس وسىمەن عانا شەكتەلەدى. تابىس بولعانىمەن, تاعىلىمى قاناعاتتاندىرا قويمادى. ءوز ونىمدەرىن شىعارعان الدەقايدا ارتىق ەمەس پە؟ قازاق بالاسى بۇرىن دا جالاڭ اياق جۇرگەن جوق قوي. ەل ىشىندەگى قولى ەپتى شەبەرلەر اياقكيىمنىڭ نە­شە اتاسىن تىككەن. تەك اتادان مۇرا بولىپ كەلە جاتقان سول ونەر كەڭەس زامانىندا ۇمى­تىلدى. بۇرىنعى باردى قايتا جاڭعىرتسا نەسى ايىپ؟ وسىنداي ويعا كەلگەن سوڭ, سەرىكتەستىك باسشىسى  2010 جىلى جەكە تسەح اشۋعا شەشىم قابىلدادى.

ءسويتىپ «SAMHAT» سەرىك­تەستىگى اقمول اۋىلىنا كوشىپ, جەرگىلىكتى بيزنەستىڭ ءورىسىن كە­ڭەيتۋگە بەل بايلادى. وزگەشە تىڭ يدەيامەن كاسىبىن ورگە جۇز­دىرمەك بولعان كاسىپكەردى وبلىس جانە اۋدان باسشىلىعى قولداي كەتتى. 2013 جىلى 1,2 گەكتار جەر تەلىمى مەن 1200 شارشى مەتر گاراج عيماراتى ءبولىندى. جون­دەۋ جانە جابدىقتاۋ جۇ­مىس­تارىنان كەيىن كاسىپورىن تولىق قۋاتپەن جۇمىس ىستەي باس­تا­دى. ماسەلەن, 2015 جىلدىڭ ون ءبىر ايىندا عانا 800 ملن تەڭ­گەنىڭ 100 مىڭ جۇپ اياق كيى­مى تالعامپاز تۇتىنۋشىعا ۇسىنىلدى. سول-اق ەكەن, اتى دۇر­كىرەپ شىعا باستادى. كاسىپ­ورىن نەگىزىنەن قورعانىس سالا­سىنىڭ مەملەكەتتىك تاپسىرىسىن ورىندادى. بىرتىندەپ جۇ­مىس اۋقىمىن كەڭەيتۋگە مۇم­كىن­دىك تۋىپ وتىر. 

اياقكيىمنىڭ ساپاسى ەڭ ال­دىمەن شيكىزاتقا بايلانىس­تى. بۇل ارادا بۇگىنگى تۇ­تى­نۋ­شىنىڭ تالعامىن ابدەن ەس­كەرگەن دۇرىس. قازىر بۇل سا­­لا­داعى وزىق ۇلگىگە كوز قا­نىقتىرىپ, ساپاسىن سا­لىس­­تىرىپ باعالاي بىلەتىن ادام­­داردىڭ تالعامىنان شىعۋ دا وڭاي-وسپاق شارۋا ەمەس. ول ءۇشىن قاپىسىز شەبەرلىك قاجەت-اق. شەبەرلەر وندىرىستە تابيعي تەرىنى پايدالانادى. بۇل ەكولوگيالىق جاعىنان تازا ءونىم. ءدال وسى ارادا ەلىمىزدە شيكىزاتتىڭ بۇل ءتۇرىنىڭ كادە­گە اسپاي جاتقانىن, ەكپىن ءتۇسى­رىپ ايتا كەتكەن ءلازىم. جە­ڭىل­ ونەر­كاسىپتىڭ جولى بولماي جات­قاندىقتان, ەلىمىزدەگى مال شارۋاشىلىعىنىڭ اسا با­عا­لى ءونىمى – تەرى تەككە ءشى­رىپ جاتىر. «SAMHAT»-تىڭ تا­جىريبەسىمەن-اق جەر-جەر­دە وسىنداي جۇمىس ۇيىم­داس­تىرىلسا, ءوزىمىزدى ءوزىمىز ادە­مى دە ساپالى اياقكيىممەن قام­تاماسىز ەتەر ەدىك. شەتتەن كەلگەن بۇيىمنىڭ بارلىعى بىردەي ساپالى دەپ ايتۋعا اۋىز بارمايدى. كەيبىرەۋى ءارتۇرلى تەرى اۋرۋلارىنا سەبەپ بولىپ جاتقانى دا جاسىرىن ەمەس. وسى تۇرعىدان كەلگەندە «SAMHAT» اياقكيىم فابريكاسىنىڭ قادامى قۇپتارلىق-اق. 

قازىر فابريكا ءونىمىن جال­­پاق جۇرت جاقسى تانىپ قال­عان. «SAMHAT» شىعارعان اياق­­كيىمدەردىڭ ساپالى ەكەنى ەشقانداي جارناماسىز-اق كو­رى­نىپ تۇر. فابريكا باس­شى­لىعى دا ەڭ الدىمەن جوعارى ساپالى ءونىم وندىرۋگە, جاڭا تەح­نولو­گيالاردى وندىرىسكە باتىل ەنگىزۋگە ءارى كەزەڭ-كە­زەڭى­مەن جاڭعىرتىپ وتى­رۋعا كوپ كوڭىل بولەدى. ول ءۇشىن, اري­نە, جاڭا جوعارى تەحنولوگيا­نى قولدانارلىق تولايىم قۇرىل­عىلار قاجەت.

بۇل اراداعى باستى ماقسات – الدىمەن ادام دەنساۋلىعىنا كوڭىل ءبولۋ. قولدانىلعان شي­كىزاتتىڭ ساپاسى گيگيەنالىق تالاپقا تولىق جاۋاپ بەرگەنى ءجون. ونىڭ ۇستىنە اياققا جاي­لى بولۋى قاجەت, كوڭىل ءبو­لۋ ۇزاق كيىسكە شىداعانى دۇ­رىس. وسىنى ەسكەرە وتىرىپ, شيكى­زاتتىڭ بارلىق ءتۇرى قاتاڭ باقى­لاۋعا الىنىپ, سەرتيفيكاتى بارلارى عانا كادەگە جاراتىلادى.

– اياقكيىم تىگۋ – كۇردەلى جۇمىس, – دەيدى سەرىكتەستىكتىڭ باس ديرەكتورى سامال تىلەۋ­باەۆا, – تۇتىنۋشىلاردىڭ كادە­سىنە جاراتۋ بار دا, باسە­كەلەستىككە توتەپ بەرۋ بار عوي. سوندىقتان ءبىز ءوز ونىم­دە­رى­مىزدىڭ ءمىنسىز بولۋىن قالايمىز.

فابريكا تولىق قۋاتىندا جۇمىس ىستەگەن كەزىندە 150 ادام­­دى جۇمىسپەن قامتۋ مۇم­­كىندىگىنە يە بولادى. ازىر­گە كەي­بىر مامانداردىڭ جوق­­تى­عى قولبايلاۋ بولىپ وتىر. ماسەلەن, تەحنولوگ, مەحا­نيك,­ تىگىنشى ءتارىزدى بىر­نە­شە ما­­­ماندىق بو­يىن­شا مامان قا­جەت. جۇمىس ىس­تەپ جۇر­گەن ادامداردىڭ كاسىبي شەبەر­لىك­تەرىن جەتىلدىرۋ ءوز الدىنا ءبىر ماسەلە. فابريكا بۇگىنگى تاڭدا ەرلەر جانە ايەلدەر اياقكيىمىن, اسكەري-كۇشتىك قۇرى­لىمدارعا, جۇمىسشىلارعا ار­نالعان اياق- كيىم شىعارادى.

ىنتا بولسا, وڭىنان ورالمايتىن شارۋا جوق. وتاندىق ءونىمنىڭ اسىعىن الشىسىنان تۇسىرەتىن وسىنداي قاداۋ-قاداۋ قاجىرلى قارەكەت قوي, شىركىن!

اقمولا وبلىسى