ون بەس جاسار دجەك اندراكا قاتەرلى ىسىكتى ەمدەۋدىڭ تىڭ ءتاسىلىن ويلاپ تاپتى. جاسوسپىرىمگە مەديتسينا سالاسىندا ايتارلىقتاي جاڭالىق اشۋعا وتباسىلىق جاعدايى اسەر ەتكەن. بۇل تۋرالى Adme.ru جازدى.
ونىڭ تۋعان جەزدەسى مەن وتباسىنا جاقىن ادامدار اسقازان قىلتاماعىنان قايتىس بولعان. وسى جاعدايدان كەيىن دجەك اندراكا 200 عىلىمي مەديتسينالىق زەرتتەۋ ورتالىقتارىنا ونكولوگيا سالاسىندا زەرتتەۋ جۇمىستارىمەن اينالىسقىسى كەلەتىنى تۋرالى حات جولداعان. باستاپقىدا بالانىڭ بۇل قۇلشىنىسىنا ەشكىم ءمان بەرمەگەن. تەك, دارىگەر ونكولوگ دجون حوپكينس بالاعا مەكتەپتەن كەيىن كەلىپ, ءوزىنىڭ زەرتحاناسىندا جۇمىس ىستەۋىنە رۇقسات بەرەدى. وسىلايشا جاس عالىم اسقازان قىلتاماعىن ەمدەۋگە بولاتىن كەزەڭدە الدىن-الا انىقتاۋعا مۇمكىندىك بەرەتىن دياگنوستيكالىق تەستى ويلاپ تابادى. ونىڭ تىڭ ءتاسىلى 168 ەسە جىلدام, 400 ەسە دالىرەك, 26 000 ەسە ارزان.
ءجاسوسپىرىمنىڭ بۇل ەڭبەگىن عالىمدار مەن بىرگە Intel كومپانياسى دا جوعارى باعالادى. ول دجەك اندراكاعا ەلەۋلى ەڭبەگى ءۇشىن $75,000 كولەمىندە سىياقى بەردى. سونداي-اق جاس عالىم كومپانيانىڭ جارنامالىق روليگىنە ءتۇسىپ ۇلگەردى.
مۇرات ايتقوجا.