بوكستان قازاننىڭ 14-16-سى ارالىعىندا الماتىدا وتكەلى تۇرعان الەم چەمپيوناتى باستالماي جاتىپ, جاڭا رەكوردتىڭ يەسى اتاندى. بۇل تۋرالى Vesti.kz ءتىلشىسى حابارلادى.
جاھاندىق جارىستىڭ باستالۋىنا ساناۋلى كۇندەر قالعاندا, وعان قاتىسۋشىلاردىڭ ناقتى سانى دا بەلگىلى بولدى. اتاپ ايتقاندا, الماتى رينگىندە 116 ەلدىڭ 576 بوكسشىسى كۇش سىناسادى. «ءبىز بۇل تسيفرلار ءۇشىن وتە قۋانىشتىمىز. وسىنىڭ ءوزى ءبىزدىڭ ۇيىم ۇيىمداستىرعان جارىستىڭ تولىق دارەجەسىندە قارقىن الىپ كەلە جاتقانىن بايقاتادى», - دەدى وسىعان وراي AIBA پرەزيدەنتى دوكتور چينگ-كۋو ۆۋ.
سالىستىرۋ ءۇشىن ايتا كەتەيىك, وسىنىڭ الدىندا 2011 جىلى باكۋدە وتكەن الەم بىرىنشىلىگىنە 113 ەلدەن 570 بوكسشى كەلىپ قاتىسقان ەدى.
رۋسلان يگىلىك.