رەسەي مۇسىلماندارى ورتالىق رۋحاني باسقارماسىنىڭ باس ءمۇفتيى تالعات ءتاجۋددين سوڭعى 20 جىلدىڭ ىشىندە رەسەيدە جەتى مىڭنان استام مەشىت اشىلىپ, جەتى يسلام ۋنيۆەرسيتەتى قۇرىلعانىن ايتتى. بۇل تۋرالى تاتPRESSA.RU سايتى حابارلادى.
رەسەي مۇسىلماندارى ورتالىق رۋحاني باسقارماسىنىڭ قۇرىلعانىنا 225 جىل تولۋىنا وراي قازان ايىنىڭ ورتا تۇسىندا ۋفادا ۇيىمداستىرىلعالى وتىرعان سالتاناتتى جيىنعا دايىندىق بارىسىندا تالعات ءتاجۋددين: «مەشىتتەر اللاعا سەنەتىن قاراپايىم ادامداردىڭ, ءتۇرلى دەڭگەيدەگى اتقارۋشى ورىنداردىڭ قولداۋىمەن سالىنۋدا. ءوز ەرىكتەرىمەن مەشىت سالىپ بەرىپ جاتقان كاسىپكەرلەر كوپ. ءتىپتى, حريستيان ءدىنىن ۇستاناتىن ءبىر ادام ءوزىنىڭ ريزالىعىمەن مەشىت سالىپ, جاماعاتتىڭ يگىلىگىنە ۇسىندى», – دەدى.
جولدىباي بازار