تىزىمگە ست كز سەرتيفيكاتتارى مەن يندۋستريالدىق سەرتيفيكاتتارى بار 512 الماتىلىق كومپانيا جانە 12 مىڭنان استام تاۋار تۇرلەرى ەنگەن. سونداي-اق, وڭتۇستىك استانانىڭ ءاربىر وتاندىق تاۋار ءوندىرۋشىسى ءوز دەرەكتەرىن, تىزىلىمگە ەنگىزۋ مۇمكىندىگىنە يە بولا الادى.
اتالمىش جوبانى الماتى قالاسىنىڭ كاسىپكەرلەر پالاتاسى الماتى قالاسى اكىمدىگىنىڭ باستاماسىمەن وتىندىق تاۋار وندىرۋشىلەردى قولداۋى ماقساتىندا جۇزەگە اسىردى.
«ەنگىزىلگەن توتەنشە جاعداي رەجيمى مەن كارانتين - ەكونوميكانىڭ باستى ترەندىنىڭ ءبىرى بولىپ سانالدى. بۇل جوبا - بۇل جولداعى تاعى ءبىر باستى قادام», - دەپ ايتتى الماتى قالاسى كاسىپكەرلەر پالاتاسىنىڭ ديرەكتورى ناريمان ابىلشايىقوۆ ءوز سوزىندە.
تىركەۋ قازىردىڭ وزىندە جۇمىس ىستەپ تۇر. ونى https://almaty.infokazakhstan.kz/ سايتىنىڭ باستى بەتىندەگى الماتى قالاسى وتاندىق تاۋار وندىرۋشىلەر بولىمىنەن كورۋگە بولادى.
«ەندى بارلىق ىزدەۋشىلەر, اسىرەسە مەردىگەرلەر, بيۋدجەتتىك باعدارلاما اكىمشىلەرى تىزىلىمدە سالانى نەمەسە ناقتى تاۋارلىق پوزيتسياسىن كورسەتۋ ارقىلى قاجەتتى ءوندىرۋشىنى وڭاي تابا الاتىن بولادى. ايتا كەتۋ كەرەك, جاقىن ارادا تىزىلىمدەگى ءاربىر كاسىپكەر ءوز مالىمەتتەرىن وڭدەۋگە مۇمكىندىك الادى. سونىمەن قاتار, ءوز كومپانياسىن وسى بازاعا ەنگىزگىسى كەلەتىن كاسىپكەرلەرگە دە بۇل قولجەتىمدى بولادى», - دەپ اتاپ ءوتتى ناريمان ابىلشايىقوۆ.