اۋداندا «نۇرلى جەر» باعدارلاماسى اياسىندا كوپقاباتتى 45 پاتەرلى تۇرعىن ءۇي سالىنۋدا. وعان رەسپۋبليكالىق قازىنادان 297,5 ملن تەڭگە ءبولىنىپ وتىر.
قۇرىلىسى ءساۋىر ايىندا باستالعان تۇرعىن ءۇي جەلتوقساندا پايدالانۋعا بەرىلەدى. ەسىل قالاسىندا سوڭعى ءۇش جىلدا «نۇرلى جەر» باعدارلاماسى بويىنشا تۇرعىن ءۇي العاش رەت سالىنىپ وتىر. قازىر قالادا ءۇي كەزەگىندە تۇرعاندار كوپ. سوندىقتان, قۇرىلىس ءبولىمىنىڭ ماماندارى باسپانا ماسەلەسىنىڭ بىردەن شەشىلە قويمايدى دەيدى.
– جاڭا نىساندى پايدالانۋعا بەرۋ ارقىلى حالىقتىڭ الەۋمەتتىك وسال توپتارىنىڭ باسپانالى بولۋ ءۇمىتىن اقتايمىز. قازىر قالادا تۇرعىن ءۇي كەزەگىندە تۇرعان بەس جۇزدەن ارتىق وتباسى بار,–دەيدى اۋداندىق قۇرىلىس, ساۋلەت جانە قالا قۇرىلىسى ءبولىمىنىڭ جەتەكشىسى ءبايدىلدا تويشىبەكوۆ.
تۇرعىن ءۇيدىڭ ينجەنەرلىك جەلىلەرى مەن اباتتاندىرۋ جۇمىستارىنا 30 ميلليون تەڭگەگە جۋىق قارجى قاراستىرىلعان.
اقمولا وبلىسى