جىل باسىنان بەرى شىمقالادا 675 جەتىم جانە اتا-اناسىنىڭ قامقورلىعىنسىز قالعان بالاعا اي سايىن اسىراپ-باعۋعا جاردەماقى تاعايىندالىپ, تولەنۋدە. بۇل تۋرالى قالالىق وتباسى, بالالار جانە جاستار ىستەرى جونىندەگى باسقارماسىنىڭ ءباسپاسوز قىزمەتى حابارلادى.
ماسەلەن, قورعانشىلىق بويىنشا -10 اەك, پاتروناتتىق تاربيەدە – 6 جاسقا دەيىنگى بالالارعا 9 اەك, 6 جاستان جوعارى بالالارعا - 10 اەك تاعايىندالادى.
بۇگىندە بالالارعا تولەنەتىن جاردەماقى كولەمىن ەڭ تومەنگى جالاقى دەڭگەيىنە سايكەستەندىرىپ, كوبەيتۋدى قاجەت ەتەدى. بۇل جاعداي بالا الۋعا ۇمىتكەرلەر سانىنىڭ ارتۋىنا, بالالار ءۇيى تاربيەلەنۋشىلەرىنىڭ ازايۋىنا سەپتىگىن تيگىزىپ, پاتروناتقا بەرىلگەن بالالاردىڭ قايتادان بالالار ۇيىنە ورالماۋىنا زور مۇمكىندىك بەرمەك.
2019-2020 جىلدىڭ مامىر ايلارىنداعى كورسەتكىش بويىنشا 15 بالا قامقورشىلىق پەن قورعانشىلىققا, پاتروناتتىق تاربيەگە بەرىلسە, 11 بالا قايتادان بالالار ۇيىنە ورالعان. وتباسىنداعى ومىرلىك قيىن جاعدايدىڭ سالدارىنان قايتا بالالار ۇيىنە ورالۋ, تاعى دا جەتىمدىكتى سەزىنۋ - اۋىر پسيحولوگيالىق سوققى ەكەنى انىق.
باسقارما قامقورشىلىق جانە قورعانشىلىق ماسەلەلەرى بويىنشا 2019 جىلى - 1237 ادامعا, 2020 جىلدىڭ 5 ايىندا – 387 رەت مەملەكەتتىك قىزمەت كورسەتكەن.
سونداي-اق, 2019 جىلى – 1339, 2020 جىلدىڭ 5 ايىندا – 421 سوت وتىرىسىنا قاتىسىپ, بالالاردىڭ مۇددەسى قورعالدى.
بالالاردىڭ ءومىر-ءسۇرۋ ساپاسىن زەردەلەۋ ماقساتىندا 2019 جىلى – 387, 2020 جىلدىڭ 5 ايىندا – 127 تۇرعىن ۇيگە اكتىلەۋ جۇمىستارى جۇرگىزىلدى.
شىمكەنت