گەندەرلىك ساياسات: حالىقارالىق جوبالار بازاسى قۇرىلادى

وعان ەۋروپا وداعى, دۇنيەجۇزىلىك بانك, ەقدب, ادب, ەقىۇ, بۇۇ-ايەلدەر, بۇۇدب, يۋنيسەف جانە يۋنفپا وكىلدەرى قاتىستى.

ونلاين-كەزدەسۋ بارىسىندا ءلاززات رامازانوۆا حالىقارالىق ۇيىمدار مەن قارجى ينستيتۋتتارىنا ۇلتتىق كوميسسيا جانىنداعى جاڭارتىلعان ساراپتامالىق توپتىڭ قۇرامىنا كىرۋدى ۇسىندى. ء«بىز قازاقستاندا قاتىسىپ وتىرعان جانە ءىس جۇزىندە گەندەرلىك كومپونەنتتى ىسكە اسىراتىن حالىقارالىق ۇيىمدار مەن دامۋ ينستيتۋتتارىنىڭ كۇش-جىگەرىن شوعىرلاندىرۋعا نيەتتىمىز. قازىرگى ۋاقىتتا ۇلتتىق كوميسسيا ساراپتامالىق توپتى جاڭارتۋعا كىرىستى. وسىعان بايلانىستى ءبىز سىزدەردى ونىڭ جۇمىسىنا بەلسەندى قاتىسۋعا شاقىرامىز. قيىن ەكونوميكالىق جاعدايدا بۇل ءتيىمدى شارالاردى بىرلەسىپ جۇزەگە اسىرۋدىڭ بىرەگەي مۇمكىندىگى», - دەدى ءلاززات رامازانوۆا.

ساراپتامالىق توپ نەگىزگى ءۇش باعىت بويىنشا جۇمىس ىستەيتىن بولادى: وتباسى ساياساتى, گەندەرلىك ساياسات جانە تۇرمىستىق زورلىق-زومبىلىقتىڭ الدىن الۋ. بۇل رەتتە, جۇيەلى شارالار رەسپۋبليكالىق دەڭگەيدە, ال جوبالىق شارالار – وڭىرلەر اراسىندا ۇزدىك تاجىريبەنى بەرۋدى قامتاماسىز ەتە وتىرىپ, وبلىستىق دەڭگەيدە ىسكە اسىرىلاتىن بولادى.

ءوز تاراپىنان كەزدەسۋگە قاتىسۋشىلار گەندەرلىك تەڭدىك, ايەلدەر مەن بالالار ماسەلەلەرىن شەشۋگە باعىتتالعان باستاماشىلىق جوبالار تۋرالى ايتتى. ءلاززات رامازانوۆا جاقىن ارادا حالىقارالىق جانە دونورلىق ۇيىمدار قاتىساتىن جوبالاردىڭ بىرىڭعاي بازاسى قۇرىلاتىنىن اتاپ ءوتتى.

سونداي-اق ءتورايىم ءلاززات رامازانوۆا بۇۇ ايەلدەرگە قاتىستى كەمسىتۋشىلىكتى جويۋ جونىندەگى كوميتەتىنىڭ ۇسىنىمدارىنا نەگىزدەلگەن ۇلتتىق كوميسسيانىڭ جوسپارلارىنا نازار اۋداردى.

«ەگەر ءسىز وسى باعىتتارداعى كۇش-جىگەرىمىزدى قولداپ, جوسپارلارىمىزدى وسى جىلدان باستاپ جۇمىس باعدارلامالارىنا ەنگىزسەڭىز, بارلىق حالىقارالىق ۇيىمدارعا ريزاشىلىعىمىزدى بىلدىرەمىز. ءبىز ارقايسىسىمەن ءوزارا ءىس-قيمىل جانە ءوزارا ءتيىمدى بارىنشا قولداۋ كورسەتۋ جولدارىن تالقىلاۋعا دايىنبىز», - دەپ اتاپ ءوتتى ءلاززات رامازانوۆا.