حالىقارالىق بالالاردى قورعاۋ كۇنى قارساڭىندا قارۋلى كۇشتەر اسكەري قىزمەتشىلەرى الەۋمەتتىك مەكەمەلەردىڭ تاربيەلەنۋشىلەرىن قۇتتىقتادى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.
سانيتارلىق-ەپيدەميولوگيالىق تالاپتاردى ساقتاي وتىرا, اياگوز گارنيزونىنىڭ اسكەري قىزمەتشىلەرى اياگوزدەگى ارنايى الەۋمەتتىك كومەك كورسەتۋ بالالار ورتالىعىنىڭ تاربيەلەنۋشىلەرى ءۇشىن قۇتتىقتاۋ, شوۋ-باعدارلاما مەن ەرتەگى كەيىپكەلەرىنىڭ قاتىسۋىمەن ويىن-ساۋىق ويىندارىمەن مەرەكە ۇيىمداستىردى.
اسكەريلەر بالالار ءۇشىن سپورتتىق جابدىقتار, ديداكتيكالىق ويىندار جانە تاتتىلەردى دە دايىنداعان.
بۇل مەكەمەدە 100 تاربيەلەنۋشى بار. ورتالىق تاربيەلەنۋشىلەرىنىڭ كوبىسى بالا كەزىنەن مۇگەدەك, سونداي-اق اتا-اناسىنىڭ قامقورلىعىنسىز قالعاندار دا بار.
اياگوز گارنيزونىنىڭ اسكەري قىزمەتشىلەرى ورتالىققا ۇنەمى كەلىپ تۇرادى, بارلىق جاعىنان كومەك كورسەتىپ تۇرادى. اتاپ ايتقاندا, گارنيزون باسشىلىعى كارانتين مەزگىلىندە بالالارىمەن بىرگە كارانتيندە بولاتىن قىزمەتكەرلەردى 45 توسەك ورىنمەن قامتاماسىز ەتتى. جىل مەزگىلىنە قاراي اسكەري قىزمەتشىلەر مەكەمەنىڭ اۋماعىن تازارتۋعا جانە اباتتاندىرۋعا, ويىن الاڭىن جاڭارتۋعا كومەك كورسەتىپ تۇرادى. ءار مەرەكە سايىن بالالارعا ەكسكۋرسيالار مەن كونتسەرتتەر, سونىمەن قاتار سپورتتىق ءىس-شارالار ۇيىمداستىرىلادى. بۇنىڭ ءبارى جاقسى داستۇرگە اينالىپ, جىلدان جىلعا جالعاسۋدا.