ەرىكتى جاساقتىڭ ەرلەرى ماراپاتتالدى

ايتا كەتەتىن ءبىر جايت, اس­كەر­گە شاقىرىلۋشىلاردىڭ بار­لىعى تۇرعىلىقتى جەرلەرى بو­يىن­شا قىزمەت ەتتى, ياعني ولار باسقا وڭىرلەرگە جىبەرىل­گەن جوق. سونداي-اق ولار جۇ­مىس كۇنى بىتكەندە ۇيلەرىنە جىبەرىلىپ وتىردى.

بۇگىن توتەنشە جاعداي رە­جىمى كەزىندە اسا جاۋاپتى جۇ­مىس­تى ابىرويمەن اتقارعان وسى ەرىكتى جاساق ساربازدارىنا قارا­عاندى وبلىسى اكىمىنىڭ, قالا باس­شىسىنىڭ, «استانا» وڭىر­­لىك قولباسشىلىعى اس­كەرلەرى قولباسشىسىنىڭ جا­نە جۇ­مىل­دىرۋ دايىندىعى باس­قار­ما­سى­نىڭ اتىنان «العىس حاتتار» تابىس ەتىلدى.

 اسكەري مىندەتتىلەردى ماراپاتتاۋ كەزىندە قاراعاندى وبلىسى اكىمىنىڭ ورىنباسارى ەرماعانبەت بولەكپاەۆ كارانتيندىك ءىس-شارالارعا ات سالىسقان بارلىق ازاماتتارعا, جەرگىلىكتى باق وكىلدەرىنە العىسسوزىن جەتكىزدى.

قاراعاندى وبلىسىنىڭ جۇمىل­دىرۋ دايىندىعى باسقار­ماسىنىڭ باسشىسى جومارت جىلقىباەۆ اسكەر­گە شاقىرىلعانداردىڭ ورتا­شا جاسى­نىڭ 25-35 جاس ارالى­عىندا بولعانىن اتاپ ءوتتى.

– ولاردىڭ اراسىندا ۋا­قىت­شا جۇمىسسىز قالعاندار, شاعىن جانە ورتا بيزنەس سالاسىنىڭ وكىلدەرى بولدى. سونداي-اق مەدي­تسينالىق ءبىلىمى بار 17 ادام شاقىرتىلدى. ارنايى اس­كەر­گە شاقىرىلۋشىلارعا اسكە­ري قىزمەتشىلەر ءۇشىن كوز­دەلگەن بارلىق جەڭىلدىك­تەر قاراستىرىلدى. جۇمىسس­ىز­دارعا مەملەكەتتەن 42 500 تەڭگەدەن اقشا تولەندى, ال جۇ­مىس ىستەپ جۇرگەندەر بۇرىن­عىداي مولشەردە ەڭبەكاقى­لارىن الدى, – دەدى ول.

سونىمەن قاتار جومارت جىلقىباەۆ اسكەري مىندەت­تىلەردىڭ ءۇش مەزگىل تاماقپەن, كيىم-كەشەكپەن, جەكە قورعانىس قۇرالدارىمەن جانە ارنايى كوستيۋمدەرمەن قامتاماسىز ەتىلگەنىن باياندادى. ءار جۇمىس كۇنى بىتكەن كەزدە ساربازداردىڭ بارلىعى پتر-تەست تالداۋىنان ءوتىپ تۇرعان.

ماراپات ءوز الدىنا, قارا­عاندى وبلىسىندا كاران­تين­نىڭ جەڭىلدەتىلۋىنە قاراماستان, قوعامدىق ورىنداردى دەزين­فەكتسيالاۋ جۇمىستارى جالعا­سا بەرەتىن بولادى. جەر­گىلىكتى اتقارۋشى ورگاندار كوندو­مينيۋم تارتىبىنە ساي ليفتى­لەردى, كىرەبەرىستەردەگى ەسىك تۇتقالارىن جانە اۋلا­لار­داعى بالالار مەن سپورتتىق الاڭ­قايلاردىڭ قۇرال-جابدىق­تارىن وڭدەۋگە قامقورلىق جاساۋعا مىندەتتى.

قاراعاندى