«بۇگىنگى قوعام اباي ۇسىنعان جولمەن ءجۇرۋى قاجەت» دەدى.
د.سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىندە اباي قۇنانباي ۇلىنىڭ 175 جىلدىعىنا وراي «اباي ءىلىمى – رۋحانيات نەگىزى» تاقىرىبىندا ونلاين رەجيمدە دوڭگەلەك ۇستەل ءوتتى. شاراعا مودەراتور بولعان ۋنيۆەرسيتەت رەكتورى جاسۇلان شايماردانوۆ: «اباي – ۇلت رۋحانياتىنىڭ باستاۋىندا تۇرعان تۇلعا.ء بىزدىڭ نەگىزگى ماقساتىمىز – اباي مۇراسىن بۇگىنگى كوزقاراسپەن قاراستىرىپ, ونىڭ ومىرشەڭدىگىن جاس ۇرپاققا ناسيحاتتاۋ. ارتىندا قالعان ولمەس مۇراسىن كۇندەلىكتى ومىردە, نەگىزگى ۇستامعا اينالدىرۋىمىز قاجەت» دەي كەلە وقۋ ورنىندا ستۋدەنتتەردىڭ ساناسىن جاڭعىرتۋعا باعىتتالعان «ادام بول» اكادەميالىق جوباسى, «21 عاسىرداعى اباي» كۋرسى جوبالارىنا توقتالدى.
ونلاين كەزدەسۋدە العاش بولىپ ءسوز العان عالىم, اكادەميك عاريفوللا ەسىم: «بۇگىنگى قوعام اباي ۇسىنعان جولمەن ءجۇرۋى قاجەت» دەدى. جانە تەحنيكالىق وقۋ ورىندا اباي كۋرسىنىڭ وقىتىلۋى ۇلكەن جەتىستىك دەپ جوعارى باعالادى. ساياسي عىلىمدارىنىڭ دوكتورى, ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى سايىن بورباسوۆ «اباي مەن شاكارىم تۇلعاسىنىڭ رۋحاني كەلبەتى تۋرالى» تاقىرىبىندا بايانداما جاسادى. «اباي مەن شاكارىم ادامنىڭ رۋحاني كەلبەتىنە ەرەكشە نازار اۋدارعان. ولار ادامي قاسيەتتەر ونىڭ جۇرەك قالاۋىنان تۋادى دەپ ەسەپتەيدى. ال ادامگەرشىلىكتەن اۋىتقۋلار باقاي ەسەپ پەن كۇنشىلدىكتەن, قۋلىق امالدارىنان تۋىندايدى. سوندىقتان, اقيقات پەن ادىلەت ءۇشىن جۇرەك قالاۋىن تاڭداۋ پايدالى دەپ كورسەتەدى» دەپ اباي مەن شاكارىم ۇندەستىگىنە نازار اۋداردى. ادەبيەت جانە ونەر ينستيتۋتىنىڭ حالىقارالىق قاتىناستار جانە الەم ادەبيەتى كافەدراسىنىڭ مەڭگەرۋشىسى سۆەتلانا انانەۆا: «ابايدى الەمدىك قوعامداستىقتا جاڭا قازاقستاننىڭ برەندى رەتىندە تانىستىرۋ كەرەك. بۇل - بۇگىنگى ۇرپاقتىڭ مىندەتى. اباي شىعارماشىلىعى - الەمدىك ادەبيەت تاريحىنداعى ەرەكشە قۇبىلىس» دەدى. س.امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتى ابايتانۋ عىلىمي-زەرتتەۋ ينستيتۋتىنىڭ ديرەكتورى ايجان كارتاەۆا اقىننىڭ ءومىر بويى شارق ۇرىپ ىزدەگەن – «تولىق ادام» ءىلىمى جايلى ءسوز قوزعادى. شاكارىم اتىنداعى سەمەي مەملەكەتتىك ۋنيۆەرسيتەتى ابايتانۋ ينستيتۋتىنىڭ ديرەكتورى جاندوس اۋباكىر «دالا دانىشپانى» تاقىرىبىندا بايانداما وقىدى. سەمەي قالاسىنىڭ ابايدىڭ ادەبي-مەموريالدىق مۇراجايى ديرەكتورىنىڭ عىلىمي جۇمىس جونىندەگى ورىنباسارى مەيرامگۇل قايرانباەۆا اباي مۇراجايىن تانىستىرىپ, جاڭاشا مۋزەيلەندىرۋ كونتسەپتسياسىنا توقتالدى.
فيلولوگيا عىلىمدارىنىڭ كانديديتى گاۋھار راحىمباەۆا مەملەكەت باسشىسىنىڭ ۇلتتىق قوعامدىق سەنىم كەڭەسىنىڭ ءۇشىنشى وتىرىسىنداعى ء«تىل ۇيرەتۋ بارىسىندا, نەگىزىنەن, وقۋ ورىندارىنداعى جاستارعا كوبىرەك ءمان بەرەدى. سوندىقتان ءتىل كوميتەتىن 2021 جىلدان باستاپ ءبىلىم جانە عىلىم مينيسترلىگىنىڭ قاراماعىنا وتكىزگەن ءجون. بۇل قازاق ءتىلىن وقىتۋ ادىستەمەسىن ازىرلەۋ جانە ونى ۇيرەتۋ ىسىنە قاتىستى الەۋەتىمىزدى ءبىر ورتالىققا شوعىرلاندىرۋعا مۇمكىندىك بەرەدى. سونداي-اق, مۇنداي قادام قولدانىسقا ەنگىزىلەتىن وقۋ باعدارلامالارىنىڭ تيىمدىلىگىن تالداۋ جانە مونيتورينگ جۇرگىزۋ جۇيەسىن جاساۋعا سەپتىگىن تيگىزەدى" دەگەن ءسوزىن نەگىزگە الا وتىرىپ اباي ءىلىمىن ەيدوس-كونسپەكت ارقىلى وزگە ۇلت وكىلدەرىنە وقىتۋدىڭ تيىمدىلىگى تۋرالى بايانداما جاسادى.
وسكەمەن