قاسىم-جومارت توقاەۆ اقمولا وبلىسىنا جۇمىس ساپارى بارىسىندا كەراميكالىق تاس پەن كىرپىش وندىرەتىن «Astana Ceramic» جاۋاپكەرشىلىگى شەكتەۋلى سەرىكتەستىگىنىڭ جۇمىسىمەن تانىستى. بۇل تۋرالى اقوردانىڭ ءباسپاسوز قىزمەتى حابارلادى.
پرەزيدەنتكە اتالعان جوباعا مەملەكەت تاراپىنان كورسەتىلىپ جاتقان قولداۋ شارالارى تۋرالى ايتىلىپ, قۇرىلىس ماتەريالدارىن ءوندىرۋ تەحنولوگياسى تانىستىرىلدى.
اقمولا وبلىسىنىڭ اكىمى ەرمەك مارجىقپاەۆ قاسىم-جومارت توقاەۆقا وڭىردەگى قۇرىلىس يندۋسترياسىنىڭ دامۋى جانە جۇمىسپەن قامتۋ جول كارتاسىنىڭ جۇزەگە اسىرىلۋى جايىندا باياندادى.
مەملەكەت باسشىسى ايماقتاعى قۇرىلىستى ساپالى سالۋدىڭ, بارلىق ينفراقۇرىلىمدىق جوبالار مەن الەۋمەتتىك ماڭىزى بار نىسانداردى جوندەۋ جۇمىستارىنىڭ ماڭىزدىلىعىن اتاپ ءوتتى.