نۇر-سۇلتاندا بالالاردى قورعاۋ كۇنى ونلاين رەجيمدە وتەدى

قالالىق ءبىلىم باسقارماسىندا بالالاردىڭ مەرەكەسى قالاي وتەتىنى تۋرالى ايتىلدى.

1 ماۋسىمدا «بارلىعى بالالار ءۇشىن» اتتى رەسپۋبليكالىق اكتسيا وتەدى. اتالعان شارا #NS_balalarkuni_bilim حەشتەگى بويىنشا ونلاين فورماتتا ۇيىمداستىرىلادى.

بۇدان بولەك, حالىقارالىق بالالاردى قورعاۋ كۇنى اياسىندا ءبىلىم بەرۋ ۇيىمدارىندا قاشىقتان وقىتۋ باعدارلاماسى كەزىندە مەكتەپ جاسىنداعى بالالارعا ارنالعان ينتەرنەت بايقاۋلار, اكتسيالار, چەللەندجدەردى قامتيتىن ءىس-شارالار جوسپارى ازىرلەندى. ينتەرنەتتەگى دەرەككوزگە سىلتەمە جاساي وتىرىپ بارلىعى 65 شارا وتكىزۋ كوزدەلگەن.

Instagram جەلىسىندە كۇنى بويى بالالار پيسحولوگى, ىشكى ىستەر ورگاندارىنىڭ وكىلدەرى, ءبىلىم سالاسىنىڭ ماماندارى, زاڭگەرلەر جانە ۇەۇ قاتىسۋىمەن تىكەلەي ەفير وتەدى. وندا اتا-انالار مەن بالالار قاجەتتى كەڭەس پەن قۇقىقتىق كومەك الا الادى.

قيىن جاعدايعا تاپ بولعان بالالاردى قولداۋ ورتالىعى جانە «SOS دەتسكايا دەرەۆنيا استانا» بالالار ءۇيىنىڭ تاربيەلەنۋشىلەرىنە ارنالعان مەرەكەلىك باعدارلاما قويىلادى: «تسۆەتيك-سەميتسۆەتيك» كونتسەرتتىك باعدارلاماسى, «تسۆەتوچنىي پەرەپولوح» شىعارماشىلىق بايقاۋى (كوستيۋمدەر دەفيلەسى, بالالار جاساعان فلوريستيكالىق ونەر كورسەتىلىمى), ينتەللەكتۋالدى جارىس, «كارتينانى بويا» بايقاۋى, اسفالتتا سۋرەت سالۋ جارىسى, سپورتتىق جارىستار مەن كوڭىلدى ويىندار, اۆتوگراف PARTY جانە فوتوسسەسيا, سونداي-اق بالالارعا ارنالىپ داستارحان جايىلادى. كارانتينگە بايلانىستى قوناقتار قاتىستىرىلمايدى.