قىزىلوردا وبلىسى پوليتسيا دەپارتامەنتىنە وندىرىستىك پراكتيكادان وتۋگە كەلگەن ءىىم بارىمبەك بەيسەنوۆ اتىنداعى قاراعاندى اكادەمياسىنىڭ 12 كۋرسانتى قورىتىندى مەملەكەتتىك اتتەستاتتاۋدى قاشىقتىقتان وقىتۋ فورماتىندا «پلاتونۋس» اۆتوماتتاندىرىلعان اقپاراتتىق جۇيەسىن قولدانا وتىرىپ, ونلاين رەجيمىندە تاپسىرۋدا. شارانى ۇيىمداستىرۋدا دەپارتامەنتتىڭ كادر ساياساتى باسقارماسى تاراپىنان كوپ كومەك جاسالدى.
وسى ماقساتتا دەپارتامەنتتىڭ جەدەل باسقارۋ ورتالىعىنىڭ كونفەرەنتس- زالىندا كومپيۋتەرلىك سىنىپ جاساقتالىپ, ينتەرنەت بايلانىسپەن قامتاماسىز ەتىلدى.
سونداي-اق, پوليتسيا دەپارتامەنتىنىڭ تەرگەۋ, جەدەل-كريميناليستيكا, وزىندىك قاۋىپسىزدىك باسقارماسىنىڭ تاجىريبەلى قىزمەتكەرلەرى مەملەكەتتىك اتتەستاۋدا ادالدىق ءپرينتسيپىنىڭ ساقتالۋىن قاداعالاۋدا.
پوليتسيا قاتارىندا بولۋعا سۇرانىس ارتىپ كەلەدى. پاراساتتى, ىنتاسى بار جاس قىزمەتكەرلەرگە مەملەكەت تاراپىنان جان-جاقتى قولداۋ كورسەتىلۋدە, - دەيدى پوليتسيا دەپارتامەنتى باستىعىنىڭ ورىنباسارى پوليتسيا پولكوۆنيگى نالىباەۆ پازىلبەك ماشبەك ۇلى.