كوروناۆيرۋستىڭ كەسىرىنەن توقتاتىلعان انگليا پرەمەر-ليگا ويىندارى 17 ماۋسىمدا جالعاسادى. بۇل جايىندا اتالمىش مەملەكەتتىڭ فۋتبول قاۋىمداستىعىنىڭ ءباسپاسوز قىزمەتى مالىمدەدى.
17 ماۋسىمدا 28 تۋردىڭ كەيىنگە شەگەرىلگەن كەزدەسۋلەرى وتەدى. بۇل باسەكەلەردە «مانچەستەر سيتي» مەن «ارسەنال» جانە «استون ۆيللا» مەن «شەففيلد يۋنايتەد» كلۋبتارى شەبەرلىك بايقاسادى. 19 ماۋسىمدا 30 تۋر ويىندارىن تەلەديداردان تاماشالايمىز. بۇل كەزدەسۋلەردىڭ بارلىعى دا كورەرمەندەرسىز وتەدى.
انگليا چەمپيوناتى توقتالىعانعا دەيىنگى جاعدايعا كەلسەك, قورجىنىندا 82 ۇپايى بار «ليۆەرپۋل» جەكە-دارا كوش باستاپ تۇر. ەندى ولاردى ەشكىمنىڭ قۋىپ جەتە المايتىنى انىق. ەكىنشى ورىنداعى «مانچەستەر ءسيتيدىڭ» «ليۆەرپۋلدەن» باقانداي 25 ۇپايى كەم. الايدا قالالىقتار باستى قارسىلاسىنان ءبىر ويىن كەم وتكىزدى. ءۇشىنشى ورىندا - «لەستەر». ولار 53 ۇپاي جيىپ ۇلگەردى. سونداي-اق, «چەلسي» (48 ۇپاي) مەن «مانچەستەر يۋنايتەد» (45 ۇپاي) ۇزدىك بەستىكتىڭ ساناتىندا. ال كوش سوڭىنداعى ء«نورۆيچتىڭ» نەبارى 21 ۇپايى عانا بار.