بەلاعاش اۋىلىندا دەنە شىنىقتىرۋ-ساۋىقتىرۋ كەشەنىنىڭ قۇرىلىسى قىزۋ جۇرگىزىلىپ جاتىر. ءبىر ايتا كەتەرلىگى, جەرگىلىكتى «اگروفيرما تنك» سەرىكتەستىگى قۇرىلىستىڭ بارلىق شىعىنىن ءوز موينىنا العان.
اۋماعى 1 مىڭ شارشى مەتردى قۇرايتىن جاڭا دەنە شىنىقتىرۋ-ساۋىقتىرۋ كەشەنىندە ۆولەيبولشىلار, باسكەتبولشىلار, فۋتبوليستەر مەن بوكسى, كۇرەسشىلەر جاتتىعا الادى. سپورتتىڭ بۇل تۇرلەرىنە اۋىل جاستارى قۇمار. ولار سپورتتىق جاڭا نىسانىنىڭ اشىلۋىن اسىعا كۇتۋدە. سەبەبى, سپورت كەشەنىندە كاسىبي دەڭگەيدە جاتتىعۋعا مۇمكىندىك مول.
ايتا كەتەيىك, سپورت كەشەنى قازىرگىزامانعى ارنايى قۇرالدارمەن جاراقتاندىرىلادى. بۇل بولاشاق وليمپيادا چەمپيوندارىن دايىنداۋعا ءتيىستى جاعداي جاساۋعا مۇمكىندىك بەرمەك. نىسان جىل سوڭىنا قاراي پايدالانۋعا بەرىلەدى دەپ جوسپارلانىپ وتىر.
اقمولا وبلىسى.