وتكەن جىلى شەتەلگە قونىس اۋدارۋعا 3,5 مىڭنان اسا ادامنان ءوتىنىش تۇسكەن. ولارعا تۇراقتى مەكەنجايىن اۋىستىرۋعا رۇقسات بەرىلگەن. بيىلعى جىلدىڭ وزىندە 659 ادام ءوتىنىش ءبىلدىرىپتى.
قازاقستان اۋماعىنان شەتەلگە قونىس اۋدارۋعا نيەتتى جانداردىڭ دەنى 30 بەن 45 جاس ارالىعىنداعى ادامدار. جىل باسىنان بەرى وبلىس بويىنشا 700-گە جۋىق اقمولالىق تۇراقتى مەكەنجايىن اۋىستىرعان.
– نەگىزىنەن رەسەي فەدەراتسياسىنا, گەرمانيا, پولشا ەلدەرىنە, ياعني ەۋروپاعا كوشەتىندەر كوپ. ەلىمىزدە توتەنشە جاعداي ەنگىزىلگەننەن كەيىن ءبىز بۇل قىزمەتتى توقتاتقان بولاتىنبىز. قازىر قايتادان قالىپتى رەجيمدە قۇجات راسىمدەپ جاتىرمىز. ءوتىنىش بىلدىرۋشىلەر قىزمەتتىڭ بۇل ءتۇرىن حالىققا قىزمەت كورسەتۋ ورتالىقتارى ارقىلى دا راسىمدەي الادى,–دەيدى وبلىستىق پوليتسيا دەپارتامەنتى كوشى-قون قىزمەتى باسقارماسىنىڭ باستىعى اقىلبەك مادعۇلوۆ.
وبلىستىق كوشى-قون باسقارماسىنىڭ ماماندارى وزگە ەلگە كوشۋ دەرەكتەرىنىڭ كوبەيگەنىن ايتىپ وتىر. ءالى دە كەلىپ كەڭەس الۋشىلار سانى ازاياتىن ەمەس. استارى الاڭداتارلىق-اق ماسەلە.
اقمولا وبلىسى