بيىل مەكتەپتى 5 286 تۇلەك ءبىتىردى. ولاردىڭ 4 211-ءى ۇبت تاپسىرۋعا ءوتىنىش بەرىپ وتىر. وبلىستىق ءبىلىم بەرۋ باسقارماسى باسشىسىنىڭ مىندەتىن اتقارۋشى اقكەنجە يسانبەرگەنوۆانىڭ ايتۋىنشا, بۇعان قوسا كوللەدجدەردى بىتىرەتىن 834 تۇلەك تە ۇبت تاپسىرادى.
قازىر تەستىلەۋگە دايىندىق online پلاتفورمالاردا ءجۇرىپ جاتىر.
– ۇبت تاپسىرۋ بارىسىندا سانيتارلىق تالاپتار قاتاڭ ساقتالادى. وبلىستا تەست وتكىزۋ ءۇشىن سەگىز ورتالىق جاساقتالدى. قازىر ۇبت وتكىزۋدىڭ سىزباسى وبلىستىق باس مەملەكەتتىك سانيتارلىق دارىگەردىڭ كەلىسىمىنە جىبەرىلدى. تەست عيمارات ىشىندە وتەدى. قازىرگى جاعدايعا بايلانىستى 86 اۋديتوريا دايىندالۋدا. لەك سانى ارتۋدا. تەست تاپسىرۋشىلار 29 لەكپەن كىرەتىن بولادى, - دەيدى اقكەنجە يسانبەرگەنوۆا.