حالىقتى ساپالى اۋىز سۋمەن جانە سۋ بۇرۋ قىزمەتتەرىمەن قامتاماسىز ەتۋ جونىندەگى جۇمىستاردى جالعاستىرۋ ماقساتىندا 2020-2025 جىلدارعا ارنالعان «نۇرلى جەر» مەملەكەتتىك باعدارلاماسى شەڭبەرىندە بيىل رەسپۋبليكالىق بيۋدجەتتەن 111,5 ملرد تەڭگە قاراستىرىلىپ وتىر. ول قاراجاتقا 316 جوبا ىسكە اسىرىلادى. بۇل تۋرالى يدم ءباسپاسوز قىزمەتى حابارلادى.
ناتيجەسىندە قالالاردا حالىقتى اۋىز سۋمەن قامتاماسىز ەتۋ كورسەتكىشى 97,5% جەتكىزىلەدى. بۇل 10 ميلليوننان استام ادام. ال اۋىلدىق جەرلەردە اتالعان كورسەتكىش 87,7% جەتىپ, 6,84 ملن ادامدى قامتيدى.
سونداي-اق قالالاردا اعىندى سۋلاردى تازارتۋمەن قامتۋ 74,9% قۇرايدى.
ەستەرىڭىزگە سالا كەتەيىك, وتكەن جىلى بۇل باعىتتا 404 جوبا جۇزەگە اسىرىلىپ, 4078 اۋىل سۋمەن قامتىلدى. قازىرگى ۋاقىتتا ەل بويىنشا اۋىز سۋعا قولجەتىمدىلىك كورسەتكىشى - 92,6%.