بيىل اقتاۋدا 50 مىڭ شارشى مەتر اۋماققا كوگال وتىرعىزۋ جوسپارلانىپ وتىر. بۇل وتكەن جىلدارمەن سالىستىرعاندا جاڭا باستاما بولماق. وسى ۋاقىتقا دەيىن شاھاردا كوكتەم ايلارىندا جاس تالدار مەن گۇل عانا وتىرعىزىلاتىن, دەپ حابارلايدى اقتاۋ قالاسى اكىمىنىڭ ءباسپاسوز قىزمەتى.
2019 جىلى قالا اۋماعىندا 1 150 دانا اعاش, 3000 دانا راۋشان گۇلدەر, 12 000 دانا بۇتالار, 218 000 دانا ءبىر جىلدىق گۇل وتىرعىزىلدى. بيىل تالداردى از وتىرعىزىپ, بۇرىنعىنى ساقتاۋ مەن بارلىعىن كۇتىپ باپتاۋعا ەرەكشە كوڭىل بولىنبەك. جاڭادان سۋارۋ قۇبىرلارىن شاعىناۋدان پەريمەترلەرى, ساياباقتار, سكۆەرلەر جانە اۋەجاي جولىنا ورناتىلۋدا. بۇل جۇمىستار قالانىڭ ورتالىق جولدارىندا ارنايى سۋارۋ تەحنيكالار (ۆودوۆوز) جۇرگىزبەي شاعىناۋدان ىشتەرىنە جۇمىلدىرادى. ودان بولەك شاعىناۋدان پەريمەترلەرى, ساياباقتار, سكۆەرلەرگە ورگانيكالىق تىڭايتقىشتار توسەلۋدە. قالاعا وسى جىلى تەك 200-دەن استام شىرشا تارىزدەس تالدار مەن ورتالىق كوشەلەرگە ءبىر جىلدىق گۇلدەر مەن راۋشان گۇلدەرى وتىرعىزىلۋدا, دەدى اقتاۋ قالالىق تۇرعىن-ءۇي كوممۋنالدىق شارۋاشىلىعى ءبولىمىنىڭ باسشىسى قايرات اقىباەۆ.
سونىمەن قاتار, بيىل جاسىل-جەلەكتى ۋاقتىلى سۋارۋعا دا دەن قويىلۋدا. تۇرعىنداردىڭ دا شاعىمى ءجىتى قاداعالانۋدا. قالا باسشىلىعى ءار سەنبى سايىن شاھاردى ارالاپ, ماماندارعا ءتيىستى تاپسىرمالاردى جۇكتەپ وتىر.
بيىل شاھاردىڭ جاسىل جەلەگىن جاي̆قالتۋ ماقساتىندا سۋارۋ ءۇشىن ۇنەمدى تاسىلدەر ەنگىزىلۋدە. ءار اعاشتىڭ ءتۇپ تامىرىنا سۋارۋدىڭ وزىندىك ارناي̆ى, جاڭا تەحنولوگيالىق ادىستەرى پاي̆دالانىلماق.
گۇل مەن گازون ەگىلگەن جەرلەرگە سپرينكلەرلىق, ياعني جاڭبىرشا شاشىراتىپ سۋارۋ ءادىسى قوسىلعان. الدىمەن, «توبانياز» ساياباعىنا قولدانىلدى. «الداعى ۋاقىتتا بۇركىپ شاشۋ ءادىسى, ياعني اۆتوماتيكالىق سۋ جۇيەسى بارلىق ساياباقتارعا قويىلادى. تاڭەرتەڭ جانە كەشكە سۋاراتىن بولادى.
جالپى, شاھار بوي̆ىنشا 50 مىڭ شارشى مەتر اۋماقتى كوگالداندىرۋ جوسپارلانىپ وتىر. قالا اۋماعىندا 3 جانە 5 تەكشە مەترلىك قۇتىلار ورناتىلۋدا. ولارعا ۇنەمى سۋ تولتىرىلىپ, سونىڭ ارقاسىندا كوك شوپتەر مەن گۇلدەستەلەر ءارداي̆ىم سۋعا قانىپ تۇرادى.
-«مۇگەدەكتەردى قولداۋ قوعامى «اتامەكەن» قب جاقىندا عانا اۋەجاي̆ جولىنا وسىنداي̆ ەكى سۋ بوشكەسىن ورناتتى. ال قالا ىشىندەگى شاعىن اۋداندارداعى تالدار, سۋ تاسىمالداۋشى كولىكتەر ارقىلى سۋارىلادى, دەيدى اقتاۋ قالالىق تۇرعىن-ءۇي كوممۋنالدىق شارۋاشىلىعى ءبولىمىنىڭ باسشىسى قايرات اقىباەۆ.
كوگالداندىرۋ جۇمىستارىنا 150-دەن استام جۇمىسشى جۇمىلدىرىلعان. قازىرگى تاڭدا جۇمىسشىلار ساياباقتاعى بار اعاشتى سۋارىپ, اۋىرىپ تۇرعان اعاشتاردى ەمدەپ, تامىرىنا قۇرت تۇسكەن تالداردى اكتەۋ جۇمىستارىن اتقارۋدا.