وڭىردە ماڭعىستاۋ وبلىسى پوليتسيا دەپارتامەنتىنىڭ باستىعى گەنەرال-مايورى ج.باقتىباەۆتىڭ نۇسقاۋلىعىمەن اپپارات باسشىلىعىنان اراسىنان كومەندانتتىق پاترۋلدەۋ توبى قۇرىلدى. بۇل تۋرالى اتالعان ۆەدومستۆونىڭ ءباسپاسوز قىزمەتى حابارلادى.
اتاۋلى توپ قازىرگى تاڭدا قالا جانە اۋدان كولەمىندە قىزمەت اتقارىپ جۇرگەن جەكە قۇرامنىڭ قىزمەتىن باقىلاپ, قىزمەتكەرلەرگە كەمشىلىكتەردى بولدىرماۋ باعىتىندا ادىستەمەلىك كەڭەس بەرىپ, تيىمدىلىكتەرىن ارتتىرۋدا. بۇل شارانىڭ نەگىزگى ماقساتى قىزمەتكەرلەر اراسىندا زاڭبۇزۋشىلىقتى مۇلدە بولدىرماۋ, نورماتيۆتىك قۇجاتتارمەن ساپالى ءىس جۇرگىزۋ, قاعيدالار مەن ەرەجەلەردى ۇستانۋىن, مورالدىق-ەتيكالىق نورمالاردى ساقتاۋىن دا قاداعالايدى.
توپ قۇرامىنداعى دەپارتامەنت باستىعىنىڭ كادر ساياساتى جونىندەگى ورىنباسارى پوليتسيا پولكوۆنيگى ب.اقشاۋوۆ ءاربىر قىزمەتكەرگە ءىىو-نىڭ قاعيدالارى مەن تالاپتارىمەن تاعى دا تانىستىرىپ, جەكە-جەكە سۇحبات جۇرگىزىپ, ولاردىڭ سۇراقتارى مەن وتىنىشتەرىن ەسكەردى.
- ماڭعىستاۋ وبلىسى پد جەكە قۇرامى اراسىندا بارلىق باسقارما, دەربەس ءبولىم جانە قالا, اۋداندىق ىشكى ىستەر ورگاندارىنىڭ قوعامدىق قۇرىلىمداردىڭ قىزمەتىن, ماقساتتى تاربيە جۇمىسىن جانداندىرۋ, پاتريوتتىق تاربيەنى, كىشى جانە ورتا باسشى قۇرامنىڭ قۇقىقتارى مەن مۇددەلەرىن قورعاۋ – باستى نازاردا. سونداي-اق پوليتسەيلەر ورتاسىندا ءتارتىپ پەن زاڭدىلىقتى نىعايتۋ ماقساتىندا مەملەكەتتىك قىزمەتشىلەرىنىڭ ادەپ كودەكسىنىڭ تالاپتارىن قاتاڭ ساقتاۋىن, ازاماتتارعا ادەپسىزدىك كورسەتۋ فاكتىلەرى وفيتسەرلىك جانە پوليتسەيلىك كەڭەستەردە تارتىپتىك كوميسسيانىڭ وتىرىسىمەن قارالىپ, ءىىو-نان بوساتۋعا دەيىنگى شارالارى قابىلداناتىندىعى ايتىلدى, دەدى ول.
الداعى ۋاقىتتا ارنايى ءموبيلدى توپ مۇشەلەرى جوسپارعا سايكەس, ماڭعىستاۋ وبلىسى پد بويىنشا كادر ساياساتى باسقارماسى, اكىمشىلىك پوليتسيا باسقارماسى, تىلدىق قامتاماسىز ەتۋ باسقارماسى جانە وزىندىك قاۋىپسىزدىك باسقارماسىنىڭ سانىنان جەكە قۇرام اراسىندا تارتىپپەن زاڭ بۇزۋشىلىقتاردىڭ الدىن الۋ ماقساتىندا بەلگىلەنگەن كيىم نىسانىن كيۋ, ايىرىم جانە ەرەكشەلىك بەلگىلەرىن تاعۋ ەرەجەلەرىن ساقتاۋىن, قىزمەتكەرلەردىڭ سىرتقى كەلبەتىن, قىزمەتتىك كۋالىكتەرى مەن جەكە بەلگىلەرىنىڭ بار-جوعىن تەكسەرۋى, قىزمەتتىك جانە جەكە اۆتوكولىگىن پايدالانۋ ءتارتىبىن تەكسەرۋدى جالعاستىرادى.
قازىرگى تاڭدا دەپارتامەنت باستىعى پاترۋلدەردىڭ بەينەجەتوندارىنىڭ قىزمەتى مەن دۇرىستىعىن, بەينەجازبالارىن تىكەلەي ءوزى تەكسەرۋدە. ال وڭىردەگى بارلىق قىزمەتتى باقىلاپ وتىرۋ پد باستىعى ورىنباسارلارىنىڭ جەكە جاۋاپكەرشىلىگىنە جۇكتەلدى.